2024 елның 25 сентябреннән 10 ноябренә кадәр «Фоксфорд» белем бирү платформасында 1-11 сыйныф укучылары өчен Бөтенроссия онлайн-олимпиадасының сайлап алу этабы түбәндәге фәннәр буенча уза: рус теле, математика, информатика, инглиз теле.
Олимпиада Россия Мәгариф министрлыгының 2024 елның 30 августындагы 620 номерлы боерыгы белән расланган 2024/2025 уку елына олимпиадалар һәм башка интеллектуаль конкурслар исемлегенә керә.
Олимпиадага сайлап алу этабы тәмамланганчы сылтама буенча теркәлергә мөмкин:
https://foxford.ru/s/GQFl. Катнашу тулысынча бушлай. Укытучыларны һәм укучыларны катнашырга чакырабыз.
Олимпиада «Мәгариф» милли проекты бурычларына туры китереп эшләнгән һәм һәр баланың үсешен һәм уңышын тәэмин итүгә, укучыларның талантларын ачуга һәм һөнәри юнәлеш бирү бурычларын хәл итүгә юнәлдерелгән. Олимпиаданың биремнәре функциональ грамоталылыкны үстерүгә юнәлдерелгән.
Олимпиадада катнашу сәләтле балалар турында дәүләт мәгълүмат ресурсына эләгергә мөмкинлек бирә. Укытучылар, чарага 1дән артык укучыны чакырган очракта, оештыручы сертификаты алачак, шулай ук ким дигәндә 20 укучы биремнәрне чишә башласа, «Фоксфорд»тан бушлай квалификация күтәрү курсына ия булачак.
Олимпиада 2 турда уздырыла:
- Сайлап алу этабы 25 сентябрьдән 10 ноябрьгә кадәр «Фоксфорд» платформасында 1-11 сыйныф укучылары өчен онлайн узачак, ул үз эченә олимпиада форматындагы стандарт булмаган бурычларны ала: биремнәр теләсә нинди дәрәҗәдә әзерләнгән балалар өчен ярый;
- Йомгаклау этабы 14-15 декабрьдә Мәскәүдә 9-11 сыйныф укучылары арасында узачак.
Кушымталар:
