Уку елы башында Саха (Якутия) Республикасы педагогик хезмәткәрләренең традицион киңәшмәсе булды. Киңәшмәдә Татарстан Республикасы Мәгарифне үстерү институты укыту һәм методик эш буенча проректоры Александр Викторович Хохлов катнашты.
Татарстан Республикасы Мәгарифне үстерү институты ректоры Л. Н.Ногманова кушуы буенча һәм ике республиканың мәгариф системалары арасында урнаштырылган партнерлык элемтәләре нигезендә А. В. Хохлов Якутия мәгарифенең берничә категория идарәчеләре өчен ике көнлек семинар-практикум үткәрде.
Мәктәп директорлары һәм аларның урынбасарлары «Федераль төп гомуми белем бирү программаларын һәм гомуми белем бирүнең яңартылган федераль дәүләт белем бирү стандартын гамәлгә кертү: идарә итү аспекты»практик юнәлешле дәресендә катнаштылар.
Методистларга, методик берләшмәләр җитәкчеләренә, педагог-остазларга педагогик хезмәткәрләргә һәм идарәче кадрларга фәнни-методик ярдәмнең инновацион форматлары тәкъдим ителде.
Моннан тыш, А.В. Хохловның мәгариф системасы җитәкчеләре, муниципаль хакимият органнары җитәкчеләре белән пленар утырышы, дискуссияләре һәм очрашулары барышында Татарстан Республикасы Мәгарифне үстерү институты Саха (Якутия) дус Республикасы мәгариф вәкилләре белән хезмәттәшлегенең перспектив юнәлешләре билгеләнде.
Амга улусы башлыгы Степан Николаевич Кузьмин Саха (Якутия) мәгариф хезмәткәрләре алган белем һәм идеяләр педагогик коллективлар эшендә гамәли кулланыш табар дигән ышанычын белдерде.
