2024 елның 19-21 августында Татарстан Республикасы Мәгарифне үстерү институты Казан шәһәренең Alta School хосусый мәктәбе белән берлектә Татарстан Республикасы гомуми белем бирү оешмалары тәрбиячеләренең «Киләчәк» («Будущее») форумын үткәрде.
Чакырылган тәрбиячеләр, тьюторлар һәм укытучылар тәҗрибәле педагоглар, психологлар һәм эшмәкәрләрнең чыгышларын тыңладылар, конфликтлы ситуацияләрне хәл итү буенча тренингта катнаштылар, вакыт бүлү күнекмәләрен үстерделәр, проект эшчәнлеге һәм кыйммәтләргә юнәлтелгән укыту буенча мастер-класслар карадылар.
Форум кысаларында «Казан талантлар ачык университеты 2.0» коммерцияле булмаган автоном оешмасыннан стажировка үтте. Башкарма директор Әхмәтова Адилә Марат кызы Талантлар Университеты эшчәнлеге турында сөйләде. Башкарма директор урынбасары Кәримов Рөстәм Айрат улы укучыларның уңышлы кейслары мисалында проектлар төзүнең максатларын һәм ысулларын аңлатты. Шәхесне тәрбияләү һәм үстерү бүлеге җитәкчесе Орлова Лилия Николаевна катнашучылар белән проект эшчәнлеге буенча тренинг һәм уен үткәрде. Балалар һәм яшьләр программаларының методик бүлеге җитәкчесе Антушева Людмила Сергеевна Талантлар университетының проект программалары һәм чаралары турында сөйләде.
Катнашучыларның фикерләреннән күренгәнчә, форум катнашучыларның шәхси һәм һөнәри компетенцияләрен үстерү өчен бик файдалы булды. Моннан тыш, тәрбиячеләр хезмәттәшләре белән якыннанрак таныштылар һәм алдагы эш өчен көч җыйдылар.
