2024 елның 24 июнендә Татарстан Республикасы Мәгариф һәм фән министрлыгы каршында караучысызлыкны, хокук бозуларны һәм балигъ булмаганнарның үз-үзләрен тотышын кире кагуны профилактикалау буенча ведомствоара эшлекле төркем утырышы узды.
Утырышта ТР Мәгариф һәм фән министры урынбасары Әсәдуллина Алсу Мөнип кызы катнашучыларга 2024 елның 5 аенда балигъ булмаган яшүсмерләр тарафыннан кылынган җинаятьләр статистикасына анализ тәкъдим итте. Әлеге чарада Татарстан Республикасы Мәгарифне үстерү институты Асоциаль тәртипне тәрбияләү һәм профилактикалау лабораториясе фәнни хезмәткәре, Татарстан Республикасында Бала хокуклары буенча вәкаләтле вәкилнең иҗтимагый ярдәмчесе Башлай Эльвира Хәмзә кызы катнашты.
Утырыш барышында ведомствоара эшлекле төркем катнашучылары 2024 елның 5 аенда балигъ булмаган яшүсмерләрнең җинаятьләр һәм аеруча авыр җинаятьләр кылу фактлары ачыкланган Татарстан Республикасы муниципаль берәмлекләре вәкилләрен тыңладылар.
Фикер алышу барышында белем бирү оешмаларында укучыларның законга буйсыну тәртибен формалаштыру буенча профилактик эшне көчәйтергә тәкъдим ителде. Балигъ булмаганнар эшләре буенча республика комиссиясенең җаваплы сәркатибе Гарифуллина Илсөяр Хәләлетдин кызы балигъ булмаганнарның законсыз гамәлләр кылуларының төп сәбәпләрен (мотивларын) өйрәнүнең мөһимлеген билгеләп үтте.