2024 елның 31 маенда Татарстан Республикасы Мәгарифне үстерү институты Гыйльми советының чираттагы утырышы узды, анда Гыйльми совет әгъзалары, структур бүлекчәләр җитәкчеләре, мактаулы остазлар катнашты.
Утырышны ректор Л. Н. Ногманова ачты, ул көн тәртибен расларга тәкъдим итте һәм утырышны инде традицион булган юбилярларны котлау тантанасы белән башлап җибәрде.
Аннары ректор Л. Н. Ногманова һәм стратегик һәм икътисади үсеш буенча проректор Р. Г. Хәмитовның «Институтның 2024 елда мәгариф хезмәткәрләренең август киңәшмәсендә катнашуы турында» уртак доклады тыңланды һәм тикшерелде.
Һөнәри белемне үстерү бүлеге башлыгы Э.П. Митрофанованың «Урта һөнәри белем бирү белән квалификацияле кадрлар әзерләү процессында дәвамлылык принцибын гамәлгә ашыру» доклады урта һөнәри белем бирү системасына һөнәри юнәлешне исәпкә алып гомуми белем бирү дисциплиналарын укыту методикаларын кертүгә, шулай ук институтның әлеге юнәлеш буенча төп чараларына багышланган иде.
Гыйльми советта раслау өчен Татарстан Республикасы педагогик хезмәткәрләренең квалификациясен күтәрү һәм һөнәри яңадан әзерләүнең өстәмә һөнәри программаларын (модульләрен) тәкъдим итү белән укыту-методик эш буенча проректор А.В. Хохлов чыгыш ясады.
Укытучылар советы карары буенча М.И. Мәхмүтов исемендәге Татарстан Республикасы Дәүләт премиясенә тәкъдим итү өчен Татарстан Республикасы Мәгарифне үстерү институты Программалар һәм проектларны гамәлгә ашыру үзәгенең әйдәп баручы фәнни хезмәткәре, химия фәннәре кандидаты Д. М. Шакирова кандидатурасы тәкъдим ителде.
