2024 елның 17 маенда Татарстан Республикасы Мәгарифне үстерү институты, Кукмара муниципаль районы Башкарма комитетының мәгариф идарәсе, Кукмара шәһәренең «Галактика» балалар иҗаты үзәге» ярдәме белән Татарстан Республикасы Кукмара муниципаль районының Мамашир урта мәктәбендә Җамалетдин Бикташи исемендәге I Республика фәнни-тикшеренү, проект һәм иҗат эшләренең туган якны өйрәнү конференциясе узды.
Конференциядә гомуми белем бирү мәктәпләренең, гимназияләрнең, лицейларның, өстәмә белем бирү учреждениеләренең 1-11 сыйныф укучылары һәм Татарстан Республикасының Кукмара, Балтач, Саба, Лаеш һәм Мамадыш муниципаль районнарыннан педагогик хезмәткәрләр катнашты.
Чарада түбәндәге тематик секцияләр буенча фәнни-тикшеренү эшләре тәкъдим ителде:
- Туган якны өйрәнү
- Милли халык иҗаты
- Якташлар
- Мәктәп музейлары
- Яшь тикшерүче (башлангыч сыйныф укучылары өчен)
- Педагогик тәҗрибә (педагоглар өчен)
Докладчылар чыгышларында алынган нәтиҗәләрнең актуальлеге, яңалыгы, эш нәтиҗәләренең фәнни һәм практик әһәмияте, докладны сөйләү һәм каралган өлкәдә авторның эрудициялелеге, туган якны өйрәнү тематикасына туры килүе исәпкә алынган.
Иң яхшы докладлар призлар һәм дипломнар белән билгеләнде.
Конференция кысаларында, Татарстан Республикасы Мәгарифне үстерү институты Асоциаль тәртипне тәрбияләү һәм профилактикалау лабораториясе мөдире Г.Р. Мортазина педагогик хезмәткәрләр өчен «Гомуми һәм өстәмә белем бирүне интеграцияләү шартларында тәрбия киңлегенең бердәм эчтәлеге» семинарын үткәрде.
Очрашу тәмамлангач, конференциядә катнашучылар очрашуны оештыручыларга рәхмәт белдерделәр, алга таба хезмәттәшлек өчен элемтәләр алмаштылар.ва.
