2024 елның 27 мартында Казан шәһәре Вахитов районы 5 нче лицее мәйданчыгында Татарстан Республикасы Мәгарифне үстерү институты Татарстан Республикасы ЦБР Идел – Нократ баш идарәсенең Татарстан Республикасы Милли банкы бүлекчәсе белән берлектә «Финанс грамоталылыгы: тәҗрибә, проблемалар, яңа чакырулар» чираттагы фәнни-гамәли конференция үткәрә.
Быел яңалык булып ятимнәр һәм ата-ана каравыннан мәхрүм калган балалар тәрбияләнә торган белем бирү оешмалары өчен подсекция үткәрү булды. Әлеге оешмаларда финанс-грамоталы тәрбиянең тотрыклы күнекмәләрен формалаштыруга юнәлдерелгән программалар гамәлгә ашырыла, алар әлеге социаль-белем бирү учреждениеләрендә тәрбияләнүчеләрне мөстәкыйль социализацияләү этабында законнарда каралган барлык социаль гарантияләрдән куркынычсыз файдаланырга мөмкинлек бирәчәк.
Шулай ук конференция кысаларында традицион рәвештә «Федераль төп белем бирү программаларын гамәлгә ашыру шартларында финанс грамоталылыгын укытуның методик һәм практик нигезләре» Татарстан Республикасы педагогик хезмәткәрләренең квалификациясен күтәрү программасы буенча Татарстан Республикасы Мәгарифне үстерү институты тыңлаучыларының йомгаклау аттестациясе узачак. Хәзерге вакытта Россия Федерациясе гражданнарының финанс грамоталылыгын арттыру һәм финанс культурасын формалаштыруның яңа стратегиясе актуальләштерелгән, бу белем бирү оешмаларында финанс грамоталылыгы нигезләрен укыту методикасын һәм практикасын яңартуны кертә.
Конференция эшенең нәтиҗәләре буенча иң яхшы методик эшләнмәләр институтның рәсми сайтында кызыксынучы язылучыларны һәм кулланучыларны ирешелгән нәтиҗәләр белән таныштыру өчен урнаштырылачак.
#ТатарстанРеспубликасыМәгарифнеҮстерүИнституты
