06 мартта Татарстан Республикасы Мәгарифне үстерү институты Гыйльми советының киңәйтелгән утырышы узды, анда Гыйльми совет әгъзалары, структур бүлекчәләр җитәкчеләре, мактаулы остазлар, Мәгариф һәм фән министры И.Г. Һадиуллин катнашты.
Гыйльми совет утырышын ректор Л. Н .Ногманова ачты, ул көн тәртибен расларга һәм утырышны инде традицион булган юбилярларны котлау тантанасыннан башларга тәкъдим итте.
Татарстан Республикасы Мәгариф һәм фән министры Илсур Гәрәй улы Һадиуллин институт коллективын якынлашып килүче бәйрәм белән котлады. Үз чыгышында министр республиканың педагогик берләшмәсенең 87% хатын – кызлар булуын һәм нәкъ менә алар мәгариф системасы алдында торган глобаль һәм көндәлек бурычларны хәл итүләрен билгеләп үтте. Министр институтның мактаулы остазларын һәм аларның төбәкнең мәгариф системасын үстерүдә ролен аерым билгеләп үтте.
Аннары Гыйльми совет үз эшен дәвам итте.
«Һөнәри камилләштерү стратегияләрен проектлау нигезендә педагогик һәм җитәкче кадрларга остазлык күрсәтүнең төбәк системасын үстерү: гамәлгә ашыру аспектлары» доклады белән институт ректоры Л. Н. Ногманова чыгыш ясады, ул Россия мәгариф академиясендә проектны гамәлгә ашыру барышында ирешелгән нәтиҗәләргә югары бәя бирүләрен билгеләп үтте, моның өчен институт коллективы Рәхмәт хаты белән билгеләнде.
Институтның гыйльми сәркәтибе Г.А. Шәйхетдинованың «2023 елда Татарстан Республикасы Мәгарифне үстерү институты хезмәткәрләренең басма активлыгы турында» доклады тыңланды һәм тикшерелде.
Ахырда ректор Л.Н. Ногманова барысын да Халыкара хатын-кызлар көне белән котлады.
