2024 елның 16 февралендә Татарстан Республикасы Мәгарифне үстерү институты «Универсаль дизайн чаралары белән логопедик практикада махсус белем бирү мохитен оештыру» темасына өстәмә һөнәри квалификация күтәрү программасы тыңлаучыларын укыту тәмамланды (квалификация күтәрү программасы кураторы – Психологик-педагогик тәэмин итү үзәге директоры Шәрифҗанова Кадрия Шәүкәт кызы).
Укуда Татарстан Республикасы белем бирү оешмаларының 17 педагог-дефектологы катнашты. Курс күләме: 56 сәгать.
Квалификация күтәрү курсларын үткәрү максаты – белем бирүнең төрле дәрәҗәләрендә эчтәлекне үзләштерү буенча сөйләм һәм коммуникация бозылган укучыларның махсус шартларын һәм эшчәнлеген оештыру мәсьәләләрендә педагог-дефектологларның яңа компетенцияләрен камилләштерү һәм (яки) алу.
Курсларда барлык яшь этапларында, иртә логопедик ярдәмнән башлап, бердәм белем бирү киңлеген булдыру буенча актуаль мәсьәләләр каралды. Курслар кысаларында стажировка мәйданчыклары эше оештырылды (Сәламәтлек ягыннан мөмкинлекләре чикләнгән балалар өчен 7нче номерлы Казан мәктәп-интернаты, Балаларны үстерү үзәге - 383нче номерлы балалар бакчасы), анда практиклар заманча шартларда укытучы-логопедларның эшчәнлек үзенчәлекләрен универсаль дизайн чаралары белән күрсәттеләр.
Курсларны тәмамлагач, нәтиҗәләр ясалды. Тыңлаучылар алга таба хезмәттәшлек итү теләген һәм курслар оештыру һәм алган белемнәре өчен рәхмәт белдерделәр.
