2024 елның 23 гыйнварында Татарстан Республикасы Мәгарифне үстерү институты К.С. Байкиев исемендәге Икшермә кадетлар мәктәп-интернаты базасында Саба районы җитәкче һәм педагогик хезмәткәрләре өчен «Мәгарифне үстерүнең актуаль мәсьәләләре буенча иң яхшы практикаларны тәкъдим итү» Республика мәгълүмати-методик семинарын үткәрде.
Бу семинарда кадет мәктәбе укытучылары укытуның төрле методикалары буенча мастер-класслар тәкъдим иттеләр. Татарстан Республикасы Мәгарифне үстерү институты хезмәткәрләре тематик очрашуларда заманча белем бирүнең актуаль мәсьәләләрен яктырттылар:
- «Федераль төп гомуми белем бирү программалар нигезендә төп белем бирү программаларын гамәлгә ашыру шартларында белем бирү оешмасында бәяләү эшчәнлеге юнәлешләре» (Педагогика һәм белем бирү белән идарә итү кафедрасы мөдире И. А. Сахнова, Һөнәри компетенцияләрне үстерү бүлегенең фәнни хезмәткәре Л. А. Яковлева),
- «Укучыларны әзерләү сыйфатын арттыру мөмкинлеге буларак төп дәүләт имтиханы һәм бердәм дәүләт имтиханында укучыларның типик хаталарын анализлау системасы һәм бәяләү процедуралары нәтиҗәләре: адым саен» (Заманча белем бирү технологияләре һәм белем бирү эчтәлеген проектлау кафедрасының өлкән укытучысы Михеев А.В.).
Семинар тыңлаучылары үткәрелгән семинарның югары дәрәҗәсен билгеләп үттеләр, күрсәтелгән методик ярдәм һәм төп дәүләт имтиханына һәм диагностик тестларга әзерләнү өчен бирелгән киңәшләр өчен рәхмәт белдерделәр, шулай ук мондый чараларның бик кирәклеген билгеләп үттеләр.
