2023 елның 18 октябрендә Татарстан Республикасы Мәгариф һәм фән министрлыгының 2022 елның 30 декабрендәге под - 2345/2 номерлы боерыгы белән расланган гамәлгә куючының 2023 елга дәүләт йөкләмәсен үтәү кысаларында Татарстан Республикасы Мәгарифне үстерү институты Педагогика һәм белем бирү белән белән идарә итү кафедрасы Яшел Үзән шәһәренең 1 лицее белән берлектә «Идарә итүчеләр мәктәбе» республика семинарын оештырды һәм үткәрде.
Семинар эшендә 70тән артык мәктәп директоры катнашты. Семинар кысаларында түбәндәге сораулар каралды:
- Белем бирү оешмасы белән идарә итү үзенчәлекләре.
- Лицей үсешенең төп векторлары.
- Лицей администрациясе эшен бәяләү процедураларын мониторинглау һәм анализлау нигезендә оештыру.
- Укучыларның төп компетенцияләрен формалаштыру нигезе буларак проект-тикшеренү эшчәнлеге.
- Кванториум (Робоквантум) дәресләрендә инженер-конструктор фикерләү стилен формалаштыру.
- «Z. Labs» цифрлы лабораториясе мөмкинлекләре.
- КДЭУ, КФУ белән челтәрле хезмәттәшлек кысаларында гамәлгә ашырыла торган проектлар презентациясе.
- Спорт музее лицейчыларның иҗади фикерләвен формалаштыру үзәге.
Яшел Үзән шәһәренең 1 нче лицеенда Татарстан Республикасы белем бирү оешмалары җитәкчеләре директор Кудрявцева Светлана Юрьевна җитәкчелегендәге идарә итү командасының эш тәҗрибәсе белән таныша алдылар. Интерактив, мастер-класслар, практикумнар семинарда катнашучыларны битараф калдырмады. Мәктәп директорлары лицей укучыларын укыту өчен булдырылган заманча шартларны уңай бәяләделәр; семинарда күтәрелгән темаларның нәтиҗәлелеген һәм актуальлеген билгеләп үттеләр.
ПедагогОстазЕлы ПедагогЕлы2023 ОстазЕлы2023 ТатарстанРеспубликасыМәгарифнеҮстерүИнституты
