18 сентябрьдә Казан (Идел буе) федераль университетының (филиалы) Алабуга институтында Татарстан Республикасы Мәгарифне үстерү институтының укыту һәм методик эш буенча проректоры Александр Викторович Хохлов һәм мәгариф эшчәнлеге буенча директор урынбасары Ирина Петровна Михайлова, фәнни эшчәнлек буенча директор урынбасары Алсу Линаровна Мирзаһитова, Һөнәри үсеш һәм өстәмә белем бирү бүлеге башлыгы Алсу Рамилевна Рахманова очрашты. Очрашуда Педагогика кафедрасы мөдире, педагогика фәннәре кандидаты, доцент Ольга Васильевна Шатунова, педагогика фәннәре кандидаты, Педагогика кафедрасы доценты Владислав Львович Виноградов катнашты.
Кайбер мәсьәләләр буенча фикер алышуда Татарстан Республикасы Зәй муниципаль районы Башкарма комитетының мәгариф идарәсе җитәкчесе Сәфәргалиев Эрнст Рәис улы катнашты.
Мәгариф системасында кадрлар проблемасын хәл итү перспективалары кысаларында Алабуга институты һәм Зәй районы мәгариф идарәсе арасында үзара хезмәттәшлек тәҗрибәсе буенча фикер алышу булды.
В.Л. Виноградов фикер алышу өчен мәгарифнең технологик һәм методик килешүчәнлеген тәэмин итүнең республика моделе проектын тәкъдим итте. Фикер алышу барышында Алабуга институты, Татарстан Республикасы Мәгарифне үстерү институты, муниципаль районнар һәм шәһәрләрнең методик хезмәтләренең уртак эшчәнлегенең әлеге моделе Татарстан Республикасы Мәгариф һәм фән министрлыгы эгидасы астында мәктәптә эшләү өчен яңа корал булдырачак, укытучыга реаль методик ярдәм күрсәтәчәк, дип билгеләп үтелде.
А.Л. Мирзаһитова үзенең чыгышында мөһим проект - Мәхмүт укуларына тукталды, алар киләсе атнада Татарстан Республикасы Мәгарифне үстерү институты җитәкчеләре катнашында башланачак.
Очрашуда катнашучылар Азин урамында урнашкан Педагогика һәм психология бүлегендә һәм Камил Әхмәт улы Вәлиев исемендәге фәнни коллаборация йортында булдылар.
«Мәгариф» милли проектының «Һәр баланың уңышы» федераль проекты буенча ачылган үзәк мәктәп укучылары һәм укытучылар өчен 10нан артык өстәмә белем бирү программасын гамәлгә ашыра. Биредә педагоглар өчен технология, информатика, биология буенча стажировка мәйданчыклары эшли.
Очрашу барышында Алабуга институты һәм Татарстан Республикасы Мәгарифне үстерү институты арасында хезмәттәшлекне үстерү векторлары билгеләнде, анда Алабуга институты укытучыларга өстәмә һөнәри белем бирүнең яңа программаларын булдыру һәм кертү өчен мәйданчык булачак.
#ПедагогОстазЕлы
#ПедагогЕлы2023
#ОстазЕлы2023
#ТатарстанРеспубликасыМәгарифнеҮстерүИнституты
