Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы «Просвещение-Союз» нәшрияты белән берлектә 2023 елның 18 һәм 19 сентябрендә мәктәпкәчә яшьтәге балаларны «Аваздан хәрефкә» грамотага әзерләү методикасы авторы Елена Владимировна Колесникова катнашында методик семинар үткәрде.
Семинарда ТР мәктәпкәчә белем бирү оешмаларының педагоглары һәм җитәкчеләре, муниципаль методик хезмәтләрнең методистлары катнашты.
Семинарда түбәндәге сораулар каралды:
- Мәктәпкәчә белем бирү оешмаларының яңартылган белем бирү программаларын гамәлгә ашыру өчен методик ярдәм сайлау турында.
- Аваздан-хәрефкә. Грамотага өйрәтү алшартлары буларак мәктәпкәчә яшьтәге балаларның аваз аналитик-синтетик активлыгын формалаштыру
- Математик баскычлар. Мәктәпкәчә яшьтәге балаларда математика күзаллауларын үстерү программасы
- Уку эшчәнлегенә алшартлар формалаштыру.
Мәктәпкәчә белем бирү системасын үстерүнең мөһим мәсьәләләре буенча фикер алышуда ТР Мәгариф һәм фән министрлыгы хезмәткәрләре, Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы укытучылары, шулай ук «Просвещение-Союз» нәшриятын алга этәрү хезмәте җитәкчесе Татьяна Васильевна Савельева катнашты.
#ПедагогОстазЕлы
#ПедагогЕлы2023
#ОстазЕлы2023
#ТатарстанРеспубликасыМәгарифнеҮстерүИнституты
