Россия Федерациясенең укыту нәтиҗәләре түбән булган һәм уңайсыз социаль шартларда эшли торган мәктәпләрдә белем бирүнең сыйфатын күтәрү буенча “Мәгарифне үстерү” Дәүләт программасы чараларын гамәлгә ашыру кысаларында Татарстан Республикасы Мәгарифне үстерү институтының математика һәм табигый-фәнни белем кафедрасы 2019 елның 20 маенда Казан шәһәре Авиатөзелеш районының 112 нче урта гомумбелем мәктәбе базасында Татарстан Республикасы мәгариф оешмаларының предмет укытучылары өчен “Укытуны оештыруга заманча якын килүләр” исеме астында семинар үткәрде. Семинар эшендә программада катнашкан мәктәпләрдән 89 укытучы катнашты.
Семинар кысаларында белем бирү эшчәнлегенә кагылышлы түбәндәге актуаль мәсьләләр каралды:
- Укытуны оештыруга заманча якын килүләр. Белем бирүнең метапредметлылык проблемаларын чишүдә предметара якын килү.
- Яңа гомуми белем бирү стандартларының иң әһәмиятле белем бирү нәтиҗәләре буларак мәгънәви уку (дәресләрдә һәм төрле дәрәҗәдәге бәяләү процедураларына әзерлек вакытында текст белән эшләү методикасы).
- Педагогның ИКТ компетентлылыгы – укучыларның функциональ гыйлемлелеген формалаштыруда зарури шарт.
- Шәхескә бәйле, метапредмет һәм предмет нәтиҗәләрен формалаштыру пространствосы буларак заманча дәрес.
Семинар эше нәтиҗәләр ясау һәм сертификатлар тапшыру белән төгәлләнде.
