|
|
Россия Мәгариф министрлыгының Федераль методик үзәге 15-29 август көннәрендә укытучылар һәм төбәк методистлары өчен «Ихтималлык һәм статистика» уку курсы буенча вебинарлар сериясен үткәрәчәк. |
Вебинар тыңлаучылары мәктәп укучыларында математик грамоталылык компетенцияләрен үстерү өчен курс дәресләрен ничек проектларга, балаларда компетенцияләрне ничек бәяләргә, шулай ук 2023/24 уку елында курс планын ничек дөрес төзергә кирәклеге турында беләчәкләр.
Төбәк методистларына курс буенча укыту кысаларында педагогларны тәэмин итү буенча киңәшләр тәкъдим ителәчәк.
Вебинарлар графигы:
1. «Хәзерге мәгарифтә ихтималлык һәм статистиканың роле. «Ихтималлык һәм статистика» уку курсының максатлары һәм бурычлары» – 15 август.
2. «Математика» эш программасының «Ихтималлык һәм статистика» уку курсы буенча уку эчтәлегенә һәм нәтиҗәләренә таләпләрен гамәлгә ашыру» – 18 август.
3. «2023/24 уку елында «Ихтималлык һәм статистика» мөстәкыйль уку курсын гамәлгә кертү шартларында математиканы укыту процессын проектлау» – 22 август.
4. «Укучыларда функциональ математик грамоталылыкны үстерү өчен «Ихтималлык һәм статистика» уку курсының мөмкинлекләре – 25 август.
5. «2023/24 уку елында белем бирү оешмаларында «Ихтималлык һәм статистика» уку курсын гамәлгә кертүнең нәтиҗәле практикалары. Төбәкләр тәҗрибәсе» – 29 август.
Вебинарлар Мәскәү вакыты белән 14:30 сәгатьтә башлана. Чараларда катнашу өчен сылтама буенча теркәлергә мөмкин.
Шулай ук вебинарлар барышында онлайн режимда сораулар бирергә мөмкин булган чат ачылачак.
"Россия мәгарифе" федераль порталы материаллары буенча
#ПедагогОстазЕлы
#ПедагогЕлы2023
#ОстазЕлы2023
#ТатарстанРеспубликасыМәгарифнеҮстерүИнституты
