2023 елның 16-26 июнендә Татарстан Республикасы Мәгарифне үстерү институты Китапханә-мәгълүмати тәэмин итү секторы тарафыннан «Педагог-китапханәче: белем бирү процессын тәэмин итүнең педагогик һәм оештыру-методик нигезләре» өстәмә һөнәри яңадан әзерләү программасы буенча 3 сессия үткәрелде.
Күләме 42 сәгать булган укуларны Татарстан Республикасының 17 педагогик хезмәткәре үтте. Дәресләр дистанцион форматта Контур Толк платформасында уздырылды. Курслар кураторы Татарстан Республикасы Мәгарифне үстерү институты Китапханә-мәгълүмати тәэмин итү секторы мөдире Хаҗиева Е.В.
Укуның 3 сессиясе кысаларында тыңлаучылар түбәндәге темаларны өйрәнделәр:
- мәктәп мәгълүмати-китапханә үзәкләрен үстерү концепциясе,
- белем бирү өлкәсендә дәүләт сәясәте,
- федераль дәреслекләр исемлеге,
- педагогик хезмәткәрләрнең һөнәри этикасы,
- коррупциягә каршы тәртип нигезләре,
- китапханә дәресен проектлау,
- мәктәп китапханәсендә документлар алып баруга заманча таләпләр,
- педагог-китапханәченең һөнәри эшчәнлеген мәгълүмати-методик яктан тәэмин итү,
- педагог-китапханәче эшчәнлегенең төп юнәлешләре,
- педагог-китапханәченең мәгълүмати культурасы һәм мәгълүмати компетентлыгы.
Лекцияләр белән түбәндәгеләр чыгыш ясадылар:
Татарстан Республикасы Мәгарифне үстерү институты Китапханә-мәгълүмати тәэмин итү секторы мөдире Е.В. Хаҗиева;
Татарстан Республикасы Мәгарифне үстерү институты Заманча мәгариф технологияләре һәм белем бирү эчтәлеген проектлау кафедрасы доценты, тарих фәннәре кандидаты Сафронова И. В.;
Татарстан Республикасы Мәгарифне үстерү институты Мәгълүмати-нәшрият бүлеге фәнни мөхәррире В. Я. Шабалина;
Татарстан Республикасы Саба муниципаль районы Саба урта гомуми белем бирү мәктәбе директорының укыту эшләре буенча урынбасары Г. Р. Шакирова;
Татарстан Республикасы Югары Ослан муниципаль районының Куралово урта гомуми белем бирү мәктәбенең рус теле һәм әдәбияты укытучысы Н.П. Сарбаева.
21 һәм 22 июньдә Контур Толк платформасында онлайн-стажировка узды. Стажировкада Казан, Норлат, Болгар шәһәрләре педагоглары, шулай ук «Русское слово», «Детская и юношеская книга», «Мнемозина» кебек әйдәп баручы нәшрият вәкилләре чыгыш ясады.
3 сессия кысаларында «Мәгариф» нәшрияты Педагогларга һәм белем бирү оешмаларына методик ярдәм бүлегенең әйдәп баручы методисты Г.В. Крюкова «Педагог-китапханәче навигаторы: психологик-педагогик сыйныфларны методик тәэмин итү һәм укытучы өчен әдәбият» темасы белән чыгыш ясады.
3 нче сессия тәмамлангач, тыңлаучылар 2023 елгы юбиляр китаплар буенча китапханә дәресе эшләнмәсен тәкъдим иттеләр.
