2023 елның 5 июненнән 10 июньгә кадәр Татарстан Республикасы Мәгарифне үстерү институты Китапханә-мәгълүмати тәэмин итү секторы тарафыннан «Педагог-китапханәче: белем бирү процессын тәэмин итүнең педагогик һәм оештыру-методик нигезләре» һөнәри яңадан әзерләүнең өстәмә һөнәри программасы буенча 2 сессия үткәрелде.
Укуны Татарстан Республикасының 17 педагогик хезмәткәре көндезге-читтән торып 52 сәгать күләмендә узды. Курслар кураторы Татарстан Республикасы Мәгарифне үстерү институты Китапханә-мәгълүмати тәэмин итү секторы мөдире Хаҗиева Е.В.
Укуның максаты – тыңлаучыларда белем бирү процессын китапханә-педагогик тәэмин итү буенча педагогик һәм оештыру-методик компетенцияләр формалаштыру.
Укуның 2 сессиясе кысаларында тыңлаучылар тарафыннан түбәндәге темалар өйрәнелде: «Укучыларны гражданлык-патриотик тәрбияләү», «Мәктәп китапханәсе базасында туган якны өйрәнү», «Сәләтле һәм сәламәтлек ягыннан мөмкинлекләре чикләнгән балаларга ярдәм итү һәм үстерүнең китапханә ресурслары», «Әкият терапиясе», «Китап һәм укуны алга сөрүнең заманча формалары», «Укучыларның уку грамоталылыгы» һ. б.
Лекцияләр белән түбәндәгеләр чыгыш ясадылар:
- Татарстан Республикасы Мәгарифне үстерү институты Китапханә-мәгълүмати тәэмин итү секторы мөдире Хаҗиева Е. В.;
- Татарстан Республикасы Мәгарифне үстерү институты Заманча мәгариф технологияләре һәм белем бирү эчтәлеген проектлау кафедрасы мөдире, тарих фәннәре кандидаты Улбутов Д. И.;
- Татарстан Республикасы Мәгарифне үстерү институты Психологик-педагогик тәэмин итү үзәге директоры Шәрифҗанова К. Ш.;
- Татарстан Республикасы Мәгарифне үстерү институты Психология һәм инклюзив белем бирү кафедрасы доценты, психология фәннәре кандидаты Кедрова И. А.;
- Татарстан Республикасы Мәгарифне үстерү институты Психология һәм инклюзив белем бирү кафедрасының өлкән укытучысы Солтанова М. Р.;
- Татарстан Республикасы Мәгарифне үстерү институты Фәнни-педагогик кадрлар әзерләү бүлеге башлыгы, филология фәннәре кандидаты Хисмәтова Л. К.
6 июньдә Казан шәһәренең Яңа Савин районы Россия Герое А,В. Козин исемендәге 7 нче гимназия базасында стажировка узды.
Гимназия педагоглары һәм китапханә мөдире тыңлаучыларны гимназия, мәктәп китапханәсе һәм медиаүзәк эшчәнлеге белән таныштырды, эш тәҗрибәсе белән уртаклаштылар, предмет укытучыларның һәм педагог-китапханәченең китап һәм укуны алга сөрү буенча уртак эшчәнлегендә яңалыклар тәкъдим иттеләр, китап аксессуары ясау буенча мастер-класс үткәрделәр.
Стажировка кысаларында АСТ нәшриятының «Белем бирү проектлары» редакциясенең әйдәп баручы методисты М.Г. Низенькова «Укучыларның кызыксынуын формалаштыру чарасы буларак заманча балалар-яшүсмерләр әдәбияты» темасына чыгыш ясады.
#ПедагогОстазЕлы
#ПедагогЕлы2023
#ОстазЕлы2023
#ТатарстанРеспубликасыМәгарифнеҮстерүИнституты
