Татарстан Республикасы Мәгарифне үстерү институты Программалар һәм проектларны гамәлгә ашыру үзәге тарафыннан «Якутск шәһәре» шәһәр округы 2 нче милли политехник урта мәктәбе (аерым предметларны тирәнтен өйрәнү белән) командасы өчен (36 сәгать) «Педагогик остазлык: белем бирү интенсивы» квалификациясен күтәрү буенча өстәмә һөнәри программа гамәлгә ашырылды.
Программаны гамәлгә ашыру кысаларында тыңлаучылар интерактив лекцияләр, семинарлар, практикумнар һәм тренинглар аша белем бирү оешмаларында педагогик остазлыкны гамәлгә ашыру өчен кирәкле һөнәри компетенцияләрне камилләштерделәр.
Шул ук вакытта остазлык программасын гамәлгә кертүгә, остазлык эшчәнлегенең проблемалы кырын формалаштыруга, конкрет ситуацияләрне анализлауга һәм остазлык программасын гамәлгә ашыруның заманча ысулларына аерым игътибар бирелде.146 нчы лицей һәм «Н.И. Лобачевский исемендәге лицейның идарә командасы хезмәттәшләре белән команда эшендә, белем бирү оешмасының заманча пространство тирәлеген булдыру буенча практик остазлык эшчәнлеге серләре белән уртаклаштылар.
Педагогларның һәм тренерларның эше стажировкада катнашучыларның барысында да зур кызыксыну уятты. Нәтиҗәләр ясаганда, тыңлаучылар әлеге программаның һөнәри үсеш өчен гамәли юнәлешле булуын, максатчанлыгын һәм кирәклеген, шулай ук курсларны оештыруның, тәэмин итүнең һәм уздыруның югары дәрәҗәсен билгеләп үттеләр.
