Татарстан Республикасы гомуми белем бирү оешмаларының 36 директорын «Белем бирү оешмасы белән идарә итү: нәтиҗәле технологияләр, заманча практикалар» квалификация күтәрүнең өстәмә һөнәри программасы буенча 72 академик сәгать күләмендә укыту тәмамланды.
Лекцион-гамәли дәресләр белем бирү оешмасы белән идарә итүгә, яңартылган ФДББС гамәлгә ашыруның актуаль мәсьәләләренә, җитәкчеләрнең һөнәри компетенцияләрен камилләштерүгә, инклюзив белем бирүне оештыруга, цифрлы белем бирү пространствосы шартларында мәгълүмати-коммуникация технологияләренең төрле рәвешләрен куллануның торышына һәм перспективаларына багышланган иде.
Көндезге этап тулысынча гамәли юнәлешле булды. «Ресурслар белән эшләү» форсайт-сессиясе белем бирү оешмасы белән идарә итү барышында җитәкчеләр очраша торган кыенлыкларны мөмкин кадәр нәтиҗәлерәк ачыкларга мөмкинлек бирде. Мәктәп мохитен бәяләү буенча тренинг (В.А. Ясвин методикасы) директорларның шәхси һәм һөнәри үзбәясен ныгытуга ярдәм итте. «Мәктәп директорының идарә эшчәнлегендәге инновацион алымнар» темасы буенча чираттагы стажировка түбәндәге мәйданчыкларда узды: Казан шәһәре Идел буе районы Р.Г. Хәсәнова исемендәге аерым фәннәрне тирәнтен өйрәтә торган 82нче урта гомуми белем бирү мәктәбе (директоры Э.М. Скобелкина); Казан шәһәре Вахитов районының Инглиз телен тирәнтен өйрәтә торган 39 нчы урта гомуми белем бирү мәктәбе (директоры Г.А. Нәҗипова).
Стажировка мәйданчыкларында инновацион белем бирү мохитен үстерү, башлангыч гомуми белем бирү һәм гомуми белем бирү федераль дәүләт белем бирү стандартлары таләпләрен гамәлгә ашыру процессы белән идарә итү, дәрестән тыш белемнең тулы кыйммәтле ресурсы буларак дәрестән тыш эшчәнлек мәсьәләләре каралды, мәктәпнең мәктәп, гаилә һәм җәмәгатьчелекнең уртак эшчәнлеген оештыра торган үзәге буларак, белем бирү оешмаларында остазлыкның билгеләнгән системасын үстерү мәсьәләләре билгеләнде.
Йомгаклау этабында директорлар идарә эшчәнлегенең актуаль темалары буенча проект эшләрен уңышлы якладылар.
