2022 елның 07 ноябрендә Татарстан Республикасы Мәгарифне үстерү институты Н.Г. Җиһанов исемендәге Казан дәүләт консерваториясе, Казан шәһәренең 24 нче балалар музыка мәктәбе, «Россия фольклор берлеге» гомумроссия иҗтимагый оешмасының Татарстан төбәк бүлекчәсе, Халык җырлары фольклор ансамбльләре җитәкчеләренең шәһәр методик берләшмәсе белән берлектә онлайн режимда Педагогик укулар кысаларында «Балаларга өстәмә белем бирү системасында иҗади һәм иҗтимагый берләшмә буларак фольклор коллективы» очрашуын уздырды. (алга таба – Укулар).
Укуларның төп максаты - этномәдәни белем һәм тәрбия бирү өлкәсендә актуаль педагогик тәҗрибәне тарату. Укулар белем бирүнең барлык дәрәҗәдәге педагогик бергәлегенә адресланган.
Очрашу барышында укуда катнашучылар белем бирүнең төрле дәрәҗәләрендә белем бирү программаларының этномәдәни компонентын гамәлгә ашыру практикасы белән таныштылар. Катнашучыларга традицион мәдәният формаларын, җыр һәм инструменталь үрнәкләрне дәрес һәм дәрестән тыш эшчәнлектә, шулай ук конкурс һәм фестиваль вакыйгалары кысаларында куллану буенча методик тәкъдимнәр бирелде.
Чарада төбәгебезнең шәһәр һәм районнарыннан, шулай ук Удмуртия Республикасыннан педагоглар катнашты.
Очрашуның бик вакытлы һәм һөнәри аралашуның әлеге форматының кирәкле булуын билгеләп үткән катнашучылар һәм тыңлаучыларда Укулар яхшы тәэсир калдырды.
