Татарстан Республикасы Мәгарифне үстерү институты Россия Федерациясе Мәгариф министрлыгының «2020 елда дәүләт (муниципаль) учреждениеләре булмаган бюджет учреждениеләренә, автоном учреждениеләргә һәм коммерцияле булмаган оешмаларга субсидияләр рәвешендә федераль бюджеттан грантлар бирү буенча конкурс сайлап алуында җиңүче юридик затлар исемлеген раслау турында 2020 елның 1 апрелендәге 153 номерлы боерыгын үтәү кысаларында, «Киләчәк укытучысы» федераль проектын гамәлгә ашыру кысаларында гомуми, өстәмә һәм һөнәри белем бирү системасы педагогик хезмәткәрләренең өзлексез белем бирү форматларында һөнәри осталык дәрәҗәсен арттыру» чарасын гамәлгә ашыру максатларында 2022 елда Татарстан Республикасы педагогларын «Белем бирү сыйфатын күтәрүнең нәтиҗәле механизмы буларак укытучының компетенцияләрен үстерү һәм камилләштерү» өстәмә һөнәри программасы буенча укытуны дәвам итә.
25 октябрьдә Түбән Уратма урта гомуми белем бирү мәктәбе базасында Һөнәри компетенцияләрне үстерү бүлеге хезмәткәрләре, системалы һәм тәнкыйди фикерләү, команда эше, һөнәри эшчәнлекне планлаштыру, цифрлы компетентлык өлкәсендә компетенцияләрне үстерү максатыннан, ТР Түбән Кама муниципаль районы педагоглары өчен квалификация күтәрү буенча өстәмә һөнәри программа буенча төзелгән көндезге модульне гамәлгә ашыруны төгәлләделәр. Сайланган тренинг форматы программаның билгеләнгән компетенцияләрне нәтиҗәле үстерүгә ярдәм итте. Уку нәтиҗәләре буенча тыңлаучылар 72 сәгать күләмендә квалификация күтәрү турында таныклыклар алачак.
