30 сентябрьдә «Адымнар» полилингваль комплексында Татарстан Республикасы мәктәпләре укытучылары өчен Корея белеме буенча воркшоп үткәрелде. Чараның төп максатлары-Корея һәм Корея теленең тарихына, мәдәниятенә һәм икътисадына кызыксынуны арттыру, мәктәп программасын укыту буенча халыкара методикалар формалаштыру, Корея тикшеренүләр үзәге гамәлгә ашыра торган «Корея белеме» проекты нигезендә илләр арасында белем бирү өлкәсендә үзара аңлашуны һәм хезмәттәшлекне ныгыту.
Татарстан Республикасы Мәгарифне үстерү институты ректоры һәм хезмәткәрләре Адымнар-Казан, 19 нчы гимназия, Татар телендә белем бирә торган 13 нче гимназия», Теләче муниципаль районы мәктәпләре укытучылары белән берлектә үткәрелгән чарада катнаштылар.
Сәламләү сүзе белән Татарстан Республикасы министрының беренче урынбасары Поминов Андрей Иванович, Казан (Идел буе) федераль университеты Тышкы элемтәләр буенча проректоры Алишев Тимерхан Булат улы һәм Корея фонды президенты Ким ГиХван чыгыш ясадылар. Алар воркшопта катнашучыларны эш башлану белән котладылар һәм чараның нәтиҗәлелегенә өмет белдерделәр.
Россия һәм Корея Республикасы арасында икътисади хезмәттәшлек һәм Кореяның IT-индустриясе турында Мәскәү шәһәренең югары икътисадый университеты профессоры һәм Россиянең Корея Республикасындагы Илчелегенең элеккеге киңәшчесе Лешаков Павел Семенович һәм Мәскәү R&D Lab LG Electronics директоры Мин вун Ки чыгыш ясады.
Татарстан Республикасы Мәгарифне үстерү институты ректоры Ногманова Людмила Николаевна үз докладында квалификация күтәрү процессында экосистемалы якын килү нигезендә педагогларны лингвистик әзерләү турында сөйләде.
Корея мәдәниятенең бүгенгесе һәм киләчәге проблемаларына Казан (Идел буе) федераль университеты профессоры, Казан (Идел буе) федераль университеты Халыкара мөнәсәбәтләр институтының Кореяны өйрәнү үзәге «Корея белеме» фәнни җитәкчесе Ко Ен Чольның чыгышы багышланды.
Казан (Идел буе) федераль университетының Н.И.Лобачевский исемендәге лицей директоры Скобельцина Елена Герман кызы һәм аның урынбасары Аникеев Илья Аркадьевич мәктәп укучыларында интеллектуаль уеннар ярдәмендә күп телле мохиттә аралашу күнекмәләрен формалаштыру тәҗрибәсе белән уртаклаштылар.
Воркшопта катнашучыларга шулай ук «Миринэ» корея бию театрының кече һәм өлкән бию төркемнәре һәм K-POP кавердэнс – SVS командасы чыгыш ясаган кечкенә концерт күрсәтелде.
Чара ахырында барлык катнашучыларга сертификатлар һәм воркшопта чыгыш ясаучыларның докладлар җыентыгы бирелде.
Чара Татарстан Республикасы Мәгарифне үстерү институты Казан (Идел буе) федераль университеты һәм КФУ каршындагы «Корея белеме» Корея тикшеренүләр үзәге белән тыгыз хезмәттәшлеге нәтиҗәсендә узды.
