23-26 августта Новосибирск өлкәсендә «Технопром-2022»IX Халыкара технологик үсеш форумы узачак. Төп тема-технологик суверенитет һәм илнең тотрыклы үсеше.
Форум программасының архитектурасы ун трекка бүленгән, алар арасында-фән һәм технологияләр унъеллыгына старт, фәнни-технологик һәм җитештерү кооперациясе, яңа чынбарлыкта цифрлы технологияләр.
Форум стендларында Россия компанияләренең, дәүләт корпорацияләренең һәм үсеш институтларының, Милли технологик инициатива үзәкләренең, югары уку йортларының үсеш программаларының технологик казанышларын тәкъдим итү планлаштырыла. Моннан тыш, технологияләр трансферының II Милли форумы һәм «Киләчәк фәне – яшьләр фәне» VII Бөтенроссия яшьләр фәнни форумы узачак.
Форум турында өстәмә мәгълүмат форумның рәсми сайтында урнаштырылган.
Белешмә өчен
«Технопром» халыкара форумы – ел саен Новосибирск өлкәсендә үткәрелә торган Россиянең иң эре технологик чарасы.
Форумның максаты-фәнни-технологик үсешне тизләтү, фән һәм технологияләр казанышларын оператив рәвештә гамәлгә кертү өчен шартлар тудыру буенча дәүләт хакимияте органнарының, фәнни-белем бирү һәм эшкуарлык бергәлекләренең тырышлыкларын берләштерү.
Чараны оештыручылар-Россия Хөкүмәте, Новосибирск өлкәсе Хөкүмәте, Россия Фән һәм югары белем министрлыгы, Россия Фәннәр академиясенең Себер бүлеге.
РФ Мәгариф министрлыгының матбугат хезмәте материаллары буенча