2022 елның 20 июненнән 1 июленә кадәр Татарстан Республикасы Мәгарифне үстерү институты базасында «Россия Мәгариф министрлыгы мәктәбе: белем бирүнең сыйфатын арттыру өчен яңа мөмкинлекләр» өстәмә һөнәри программасы гамәлгә ашырылды. 66 мәктәп командасы өчен 48 сәгатьлек курслар Россия Мәгариф министрлыгы академиясе тарафыннан эшләнгән укыту контенты нигезендә дистанцион укыту технологияләрен кулланып көндезге-читтән торып формасында оештырылды һәм үткәрелде.
Әлеге программаны гамәлгә ашыру максаты: гомуми белем бирү оешмалары инфраструктурасын яңарту шартларында белем бирүнең сыйфатын күтәрү өлкәсендә тыңлаучыларның (мәктәп командаларының) һөнәри компетенцияләрен камилләштерү.
Программа Россия Федерациясе Президентының «2030 елга кадәрге чорга Россия Федерациясен үстерүнең милли максатлары турында» 2020 елның 21 июлендәге 474 номерлы Указын гамәлгә ашыруга, «Мәгариф» милли проекты максатларына, максатчан күрсәткечләренә һәм нәтиҗәләренә ирешүгә юнәлдерелгән.
«Россия Мәгариф Министрлыгы мәктәбе» моделе берничә юнәлеш буенча белем бирү эшчәнлеге күрсәткечләре системасын үз эченә ала: «Белем», «Сәламәтлек», «Иҗат», «Тәрбия», «Профориентация», «Укытучы. Мәктәп командасы», «Мәктәп климаты», «Белем бирү мохите».
Башлангыч диагностика (аудит) нәтиҗәләре буенча мәктәп командалары гомуми белем бирү оешмасының күрсәткечләрнең бер дәрәҗәсенә (база, урта, тулы) туры килүен билгеләделәр һәм аның нигезендә йомгаклау проектын эшләделәр. «Гомуми белем бирү оешмасының перспектив юнәлеше» проекты гомуми белем бирү оешмасын үстерү өчен конкрет чаралар системасын, кабул ителә торган чараларның нәтиҗәлелеген даими мониторинглау системасын, яңадан йөкләү һәм мәктәпне бер дәрәҗәдән икенчесенә күчерү векторын билгеләүне үз эченә ала. 66 гомуми белем бирү оешмасыннан идарәчеләр һәм педагогларның мәктәп командалары йомгаклау аттестациясен уңышлы үттеләр.
Нәтиҗәләр ясаганда, тыңлаучылар әлеге программа буенча командада һөнәри үсеш өчен кирәклеген, гамәли юнәлешле булуын, тыгызлыгын, максатчанлыгын һәм кирәклеген, шулай ук Татарстан Республикасы Мәгарифне үстерү институты кураторлары тарафыннан курслар оештыру, уздыру һәм алып баруның югары дәрәҗәсен билгеләп үттеләр.
