29 апрель көнне Асоциаль тәртипне тәрбияләү һәм профилактикалау лабораториясенең фәнни хезмәткәре Эльвира Хамзеевна Башлай Татарстан Республикасында Террорчылыкка каршы комиссиянең мәгълүмати-агарту төркеме утырышында катнашты. Утырышның көн тәртибе республиканың муниципаль районнарында һәм шәһәр округларында мәгълүмати-пропаганда эшчәнлеген оештыру мәсьәләләренә багышланган иде.
Утырышта Татарстан Республикасында Террорчылыкка каршы комиссия аппараты җитәкчесе Галиев Илдар Шамил улы катнашты. Татарстан Республикасында Террорчылыкка каршы комиссиянең мәгълүмати-агарту төркеме җитәкчесе урынбасары, «Татмедиа» Республика матбугат һәм массакүләм коммуникацияләр агентлыгының массакүләм мәгълүмат чаралары бүлеге җитәкчесе Сәлахетдинов Данис Хәниф улы утырышны ачып, мәгълүмати-агарту төркеменең эшчәнлегенә йомгаклар ясады.
Төп нотык белән Татарстан Республикасы Мәгариф һәм фән министрлыгының Балаларга өстәмә белем бирү бүлеге әйдәп баручы белгече Курманова А.К. чыгыш ясады. Үз чыгышында Анастасия Константиновна катнашучыларны белем бирү системасында террорчылыкны һәм экстремистлыкны профилактикалау эшчәнлеген оештыру белән җентекләп таныштырды.
Татарстан Республикасы иҗади яшьләре академиясе президенты Баталов Никита Андреевич «Интернет» мәгълүмат-телекоммуникация челтәрендә гражданнарның террорчылык идеологиясенә каршы торуда һәм «АТК Медиа» юнәлеше кысаларында террорчылыкка каршы көрәш чараларын яктыртуда катнашу практикасын популярлаштыру эшен оештыру тәҗрибәсе турында сөйләде.
«Вектор» радикализм, экстремизм һәм террорчылыкны профилактикалау өлкәсендә белгечләр әзерләү буенча белем проекты остазы, Татарстан Республикасында Террорчылыкка каршы комиссиянең мәгълүмати-агарту төркеме җитәкчесе урынбасары Оразов Дидар Мурадович дискуссиядә актив катнашты һәм төркем эшчәнлегенең яңа перспектив юнәлешләрен билгеләде.
