Татарстан Республикасы Мәгариф һәм фән министрлыгының 2021 елның 22 декабрендәге 1732/21 номерлы боерыгы белән расланган 2022 елга дәүләт биреме нигезендә, Заманча белем бирү технологияләре һәм белем бирү эчтәлеген проектлау кафедрасы 2022 елның 27 апрелендә Татарстан Республикасы Әлки районы чит тел укытучылары өчен «Белем бирү сыйфатын бәяләүгә заманча алымнар. Бөтенроссия тикшерү эшләре: әзерләнү, нәтиҗәләрне анализлау, коррекцион эш» семинарын оештырды һәм үткәрде.
Семинар эшендә Татарстан Республикасының 50 дән артык чит тел укытучысы катнашты, шуларның 28е Әлки муниципаль районы укытучылары. Семинарда инглиз теле буенча бөтенроссия тикшерү эшләренә методик анализ (11 сыйныф); 7 нче сыйныфта инглиз теле грамматикасын ныгыту буенча биремнәр системасы; инглиз теле буенча 7 нче сыйныфларда белем алучыларның белем бирү нәтиҗәләренә мониторинг һәм диагностика ясау кебек актуаль мәсьәләләр яктыртылды.
Семинар спикерлары: "Русское слово" нәшриятының мәгълүмат-методика үзәге методисты (Мәскәү шәһәре) Слепова Наталья Борисовна, Заманча мәгариф технологияләре һәм белем бирү эчтәлеген проектлау кафедрасы профессоры Иванова Л.Ф., Заманча мәгариф технологияләре һәм белем бирү эчтәлеген проектлау кафедрасы өлкән укытучысы Логинова Р.М.