2022 елның 15 апрелендә Татарстан Республикасы Мәгарифне үстерү институты «Ачык мәктәп 2035» белем бирү проектын һәм «Үзара челтәрле хезмәттәшлек нигезендә педагогик һәм җитәкче кадрлар остазлыгын оештыруның төбәк системасы» Россия мәгариф академиясенең инновацион мәйданчыгы «Цифрлы белем бирү мохите» юнәлеше буенча проектын гамәлгә ашыру кысаларындагы чаралар планы нигезендә физика укытучылары өчен «Мәктәпнең цифрлы белем бирү тирәлеген формалаштыру һәм камилләштерү: эш тәҗрибәсеннән» республика гамәли-юнәлешле семинарын (вебинар) уздырды.
Семинарда түбәндәге мәсьәләләр буенча фикер алыштылар:
- Физика укытучысы үсешенең индивидуаль траекториясен төзү өчен заманча белем бирү мөмкинлекләре
- «Ачык мәктәп 2035» платформасы ресурсларын файдаланып, онлайн форматта лаборатория эшләрен оештыру
- «Ачык мәктәп 2035» платформасының физик әзерлек буенча өстәмә белем бирү ресурслары
Семинар спикерлары үз чыгышларында цифрлы технологияләрне һәм ресурсларны актив куллану уку эшчәнлеген оештыру өчен, барыннан да элек, уку материалын «төргәкләү» өчен, сыйфатлы яңа мөмкинлекләр тәэмин итүен билгеләп үттеләр. Шуңа күрә педагогларның һөнәри дәрәҗәсен күтәрү һәм заманча тормыш таләпләренә туры килә торган педагогик корпус формалаштыру - белем бирү системасын модернизацияләүнең мөһим шарты. Педагоглар алдында хәзерге заман белем бирүнең сыйфатын күтәрү, педагогик осталыкны камилләштерү, һөнәри хезмәттәшлекне үстерү кебек проблемаларны куя. Һәр педагог үз эшенең нәтиҗәсе дәрескә алып килгән материалларга һәм өйдә дәрескә әзерләнгәндә балалар эшли торган материалларга салынуын истә тотарга тиеш.
Семинарда Татарстан Республикасы белем бирү оешмаларының «Ачык мәктәп» белем бирү платформасының мөмкинлекләрен һәм ресурсларын кулланучы педагогик хезмәткәрләре катнашты. Катнашучылар семинарны оештыручыларга һәм спикерларга рәхмәт белдерделәр, тәкъдим ителгән темаларның актуальлеген, иҗади якын килүне, шулай ук чараны үткәрүнең уңайлы форматын билгеләп үттеләр.
