2022 елның 15-16 апрелендә Александр Михайлович Бутлеров исемендәге III республика фәнни-гамәли конференциясе узачак. Конференция Татарстан Республикасы Мәгариф һәм фән министрлыгы ярдәмендә Казан шәһәренең Яңа Савин районы 177 нче лицее базасында Татарстан Республикасы Мәгарифне үстерү институты тарафыннан уздырыла.
Конференция рус химигы Александр Михайлович Бутлеров исемен йөртә. Ул - органик матдәләрнең химик төзелеше теориясен булдыручы, рус химикларының «бутлер мәктәбе» башлыгы, галим-умартачы һәм лепидоптеролог, җәмәгать эшлеклесе, 1860-1863 елларда Император Казан университеты ректоры.
Конференциянең максаты: табигый-фәнни белем бирүнең сыйфатын һәм абруен күтәрү, фәнни эшчәнлек өлкәсендә компетенцияләр формалаштыру, педагогик хезмәткәрләрнең һәм проектлау, планлаштыру һәм фәнни-тикшеренү эшчәнлеген гамәлгә ашыру өлкәсендә белем алучыларның һөнәри үсешен стимуллаштыру. Конференция кысаларында үткәрү планлаштырыла:
- пленар утырыш һәм югары уку йортлары галимнәре, аспирантлар, төп һәм өстәмә белем бирү педагоглары чыгышлары белән педагогик секцияләрнең утырышлары;
- гомуми белем бирү оешмалары, өстәмә белем бирү үзәкләре укучылары катнашында секцияләр утырышлары.
Конференциядә төп һәм өстәмә белем бирү педагоглары, югары уку йортлары галимнәре, аспирантлар, шулай ук белем бирү оешмаларының 2-11 нче сыйныф укучылары, өстәмә белем бирү үзәкләрендә тәрбияләнүчеләр катнаша.
