4 апрель, 2022 - 16:41
Татарстан Республикасы Мәгарифне үстерү институты Программаларын һәм проектларын гамәлгә ашыру үзәге белем бирү учреждениеләре педагогларын «Цифрлаштыру чорында чикләрсез педагогик осталык» республика конкурсында катнашырга чакыра. Конкурсның максаты - проект һәм остазлык эшчәнлеге өлкәсендә алдынгы педагогик тәҗрибәне ачыклау һәм тарату.
Проект эшчәнлеге өлкәсендә конкурс номинацияләре:
- 1 номинация: «Цифрлы белем бирү мохите шартларында төп компетенцияләрне һәм функциональ грамоталылыкны булдыру технологиясе буларак проект методы»;
- 2 номинация: «Укытучының укыту процессында цифрлы белем бирү ресурсларын һәм инструментларны кулланудагы автор тәҗрибәсе».
Остазлык эшчәнлеге өлкәсендә конкурс номинацияләре:
- 1 номинация: «Заманча остаз укытучысының һөнәри компетенциясе: яшь педагоглар, шулай ук һөнәри дефицитлары булган педагоглар белән эштә гамәлгә ашыру инструментлары һәм механизмнары»;
- 2 номинация: «Укытучы-остазның мәктәп укучыларын функциональ грамоталылыкларын үстерү буенча инновацион укытуга һөнәри әзерлеге».
Конкурс нигезләмәсенә сылтама: https://clck.ru/ej9j5