2022 елның 25 мартында химия укытучылары өчен «Цифрлы белем бирү мохите шартларында химияне укытуның инновацион технологияләре» темасы буенча квалификация күтәрү буенча өстәмә һөнәри программа тыңлаучыларын укыту тәмамланды.
Дистанцион укыту кысаларында тыңлаучылар химияне укыту процессына цифрлы белем бирү технологияләрен кертүнең актуаль юнәлешләре белән таныштылар, шулай ук заманча цифрлы белем бирү мохитен булдыру процессында инновацион белем бирү технологияләрен куллану үзенчәлекләрен өйрәнделәр.
Белем бирүнең электрон чараларын кулланып, көндезге дәресләрне үткәрү чорында Заманча мәгариф технологияләре һәм белем бирү эчтәлеген проектлау кафедрасы профессоры И.В. Павлова, Татарстан Республикасы Мәгарифне үстерү институты фәнни һәм инновацион эшчәнлек буенча проректоры Л.П. Шәмсетдинова һәм Заманча мәгариф технологияләре һәм белем бирү эчтәлеген проектлау кафедрасы өлкән укытучысы А.А. Рябова курсларга килүчеләргә цифрлы белем бирү ресурслары мөмкинлекләрен күрсәттеләр, цифрлы контент белән эшләү күнекмәләренә өйрәттеләр һәм химия укытуның инновацион методлары белән таныштырдылар.
Программаны үзләштерү нәтиҗәсендә тыңлаучыларда укыту процессында формалашкан махсус белемнәр һәм күнекмәләр комплексы нигезендә «Химия» дисциплинасын цифрлы белем бирү мохите шартларында инновацион ысуллар кулланып укытуга әзерлек тәэмин ителде.
