2022 елның 21 мартыннан 25 мартына кадәр Татарстан Республикасы Мәгарифне үстерү институты «Укучыларның һөнәри үзбилгеләнешен һөнәри-педагогик яктан тәэмин итүнең заманча технологияләре һәм ысуллары» темасы буенча Саха (Якутия) Республикасы педагогик хезмәткәрләренең квалификациясен күтәрү курсларын оештырды һәм уздырды.
Программа кураторы: Җамалетдинова Зәлфирә Исхак кызы, Татарстан Республикасы Мәгарифне үстерү институты Мәктәпкәчә һәм башлангыч гомуми белем кафедрасы доценты.
Программа Татарстан Республикасының түбәндәге гомуми белем бирү оешмаларында стажировка рәвешендә гамәлгә ашырылды:
- Казан шәһәре Вахитов районының татар телендә белем бирүче 27 нче гимназиясе;
- Иннополис лицее;
- Казан шәһәре Киров районының 182 нче политехника лицее;
- Татарстан Республикасы Югары Ослан муниципаль районының Матюшино урта гомуми белем бирү мәктәбе;
- Казан шәһәре Совет районының 110 нче лицее.
Саха Республикасы (Якутия) педагогик хезмәткәрләренең квалификациясен күтәрү программасы кысаларында түбәндәге темалар ачылды:
- Квалификация күтәрү системасында педагогик хезмәткәрләрнең һөнәри үсеше;
- Укучыларны һөнәри юнәлеш буенча уңышлы алып бару шарты буларак социаль партнерлык;
- Һәр укучының мөмкинлекләрен һәм сәләтләрен тулысынча ачу өчен шартлар тудыру;
- Федераль дәүләт белем бирү стандартларын гамәлгә ашыру шартларында белем бирү процессында заманча технологияләрне куллану;
- Укучыларны укытуның уңышлы булуын тәэмин итә торган мотивацион механизм буларак һөнәргә өйрәтү;
- Укучыларның һөнәри һәм тормыш дәрәҗәсен билгеләүдә заманча технологияләр: остазлык, тьюторинг (тьюторлык), коучинг.
Уку кейс ситуацияләрен эшләү һәм хәл итү формасында йомгаклау аттестациясе белән тәмамланды.
