2022 елның 21 февраленнән 02 мартына кадәр Татарстан Республикасы Мәгарифне үстерү институты мәктәпкәчә һәм башлангыч гомуми белем бирү кафедрасы тарафыннан «Дини культуралар һәм дөньяви этика нигезләре һәм Россия халыкларының рухи-әхлакый мәдәнияте нигезләре предметлары укытучыларының эшләрендә яңартылган башлангыч гомуми белем бирү федераль дәүләт белем бирү стандартлары, төп гомуми белем бирү федераль дәүләт белем бирү стандартлары таләпләрен гамәлгә ашыру» педагогик хезмәткәрләрнең квалификациясен күтәрү программасы гамәлгә ашырылды (куратор - Җамалетдинова Зәлфирә Исхак кызы).
Квалификация күтәрү программасы кысаларында түбәндәге темалар ачылды:
- Яңартылган башлангыч гомуми белем бирү федераль дәүләт белем бирү стандартлары эчтәлеге үзенчәлекләре;
- Яңартылган башлангыч гомуми белем бирү федераль дәүләт белем бирү стандартларының методологик нигезе һәм программаларны үзләштерү нәтиҗәләренә таләпләр;
- Предмет буенча үрнәк эш программасы: төзелеше һәм эчтәлеге;
- Предмет буенча якынча эш программасы нигезендә дәресләрне проектлау;
- Белем бирү программасын үзләштерүнең предметлы, метапредмет һәм шәхси нәтиҗәләрен формалаштыру өчен биремнәрне эшләү.
«Дини культуралар һәм дөньяви этика нигезләре һәм Россия халыкларының рухи-әхлакый мәдәнияте нигезләре предметлары укытучыларының эшләрендә яңартылган башлангыч гомуми белем бирү федераль дәүләт белем бирү стандартлары, төп гомуми белем бирү федераль дәүләт белем бирү стандартлары таләпләрен гамәлгә ашыру» педагогик хезмәткәрләрнең квалификациясен күтәрү программасын Татарстан Республикасының 55 педагогик хезмәткәре уңышлы үзләштерде.
Укуга йомгак түгәрәк өстәл форматында ясалды.
