2022 елның 7-8 февралендә Татарстан Республикасы Мәгарифне үстерү институты Татарстан Республикасы Тәтеш муниципаль районы Башкарма комитетының Мәгариф бүлеге белән берлектә «Фәнни потенциал-XХI» III республика фәнни-гамәли конференциясен үткәрә.
Конференциянең максаты: фәнни-тикшеренү эшчәнлеген проектлау һәм планлаштыру өлкәсендә педагогик хезмәткәрләрнең һөнәри үсешен стимуллаштыру.
Конференциянең бурычлары:
- иҗади актив педагогларны һәм аларның укучыларын, перспективалы инновацион белем бирү проектларын һәм инициативаларын ачыклау, аларга ярдәм итү;
- шәхси һәм иҗади яктан үзеңне камилләштерүгә юнәлдерелгән продуктив эшчәнлекне стимуллаштыру;
- белем бирүнең заманча сыйфатына ирешү;
- конференциядә катнашучыларның мәгариф өлкәсендә фәннең иң яңа казанышлары турында хәбәрдарлыгын арттыру;
- педагогларның инновацион эшчәнлек тәҗрибәсен ачыклау, гомумиләштерү һәм трансляцияләү.
Конференция эшендә катнашуга Татарстан Республикасы гомуми белем бирү оешмалары педагоглары чакырыла.
Конференция эше регламенты:
7 февраль
- 12.00–13.00 – пленар утырыш, сәламләү сүзләре
- 13.15–17.00 – педагоглар өчен секцион утырышлар
8 февраль
- 13.00–17.00 – укучылар өчен секцияләр
Конференциянең пленар өлешен трансляцияләү түбәндәге сылтама буенча гамәлгә ашырылачак:
https://www.youtube.com/channel/UCxNUO1z68a2OMqE4xJlc2hA
Чараны оештыручы: Татарстан Республикасы Мәгарифне үстерү институты программаларын һәм проектларын гамәлгә ашыру үзәге.
