Татарстан Республикасы Мәгарифне үстерү институты туган телләр һәм Халыклар бердәмлеге елына багышланган Татарстан Республикасы территориясендә яшәүче халыкларның традицион мәдәнияте буенча ачык ачык лекцияләр циклын «Уж ты батюшка, сизой орел» концерт программасы белән тәмамлады.
2021 елның 21 декабрендә онлайн режимда төбәктә яшәүче русларның җыр мәдәниятенә багышланган очрашу узды. Программаның авторы һәм алып баручысы - этномузыколог, институтның өлкән фәнни хезмәткәре Наталья Борисовна Кондратьева. Җырлы, хореографик һәм инструменталь фольклор үрнәкләреннән торган программаның музыкаль эчтәлеген «Верес» ансамбле (җитәкчеләре: бөтенроссия һәм халыкара конкурслар лауреаты Д.В. Денисов һәм Татарстан Республикасының атказанган мәдәният хезмәткәре А.В. Самойлова) тәкъдим итте.
Тыңлаучылар иске җыр мәдәниятенең формалашу тарихы, әйдәп баручы жанр төркемнәре, республиканың локаль җыр үзәкләренең стиль үзенчәлекләре белән таныштылар. Концерт кысаларында туй йоласы комплексы фрагментлары, яшьләр бәйрәм кичәләре һәм урам күңел ачулары, шулай ук инструменталь-хореографик формалар тәкъдим ителде.
Иҗади очрашуда әлеге форматта белем бирүнең һәм һөнәри аралашуның актуальлеге һәм кирәклеге турында фикерләр әйтелде.
