![](http://irort.ru/sites/default/files/styles/large/public/photoofnews/0561.jpg?itok=Qs_A2rrj)
2021 нче елның 8 нче ноябреннән 26 нчы ноябренә кадәр «Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесенең китапханә-мәгълүмати тәэмин итү секторы тарафыннан "Федераль дәүләт белем бирү стандартларын гамәлгә ашыру шартларында мәктәп китапханәчесенең китапханә-мәгълүмати һәм педагогик эшчәнлегенең төп юнәлешләре» темасына квалификация күтәрү курслары оештырылды.
Укуларны мәктәп китапханәләренең 27 хезмәткәре үтте.
Квалификация күтәрү программасы кысаларында түбәндәге темалар тәкъдим ителде:
- "Мәктәп мәгълүмати-китапханә үзәкләрен үстерү концепциясе»;
- "Мәктәп китапханәсен мәктәп мәгълүмат-китапханә үзәгенә әверелдерүнең нигезе буларак проект эшчәнлеге";
- "Мәгълүматны системалаштыруның инновацион ысуллары";
- "Педагог-китапханәченең тәрбия эшендә Интерактив технологияләр куллану";
- "Туган якны өйрәнү һәм милли электрон ресурслар буенча юл күрсәткече: булдыру методикасы" һ. б.
Уку вакытында мәктәп китапханәчеләре 16 сәгатьлек "Белем бирү оешмаларында инклюзив укыту теориясе һәм практикасы" модулен өйрәнделәр.
23 һәм 24 ноябрьдә Zoom платформасында стажировка узды. Стажировка кысаларында Татарстан Республикасы мәгариф оешмаларының педагог-китапханәчеләре һәм «Рус сүзе», «Балалар һәм яшүсмерләр китабы» нәшриятлары, «Библиошкола» электрон китапханә системасы, шулай ук Рус мәктәп китапханәләре ассоциациясе вәкилләре чыгыш ясады.
Укыту «Мәгълүматны системалаштыруның инновацион ысуллары» темасы буенча Zoom платформасында видеоконференцэлемтә режимында йомгаклау аттестациясе белән тәмамланды.
Курсларда катнашучылар бай эчтәлекле программа һәм дәресләрнең зур информативлыгы, һөнәри эшчәнлекне камилләштерү өчен яңа технологияләр өйрәнүләре һәм һөнәри осталыкны арттыру өчен актуаль темалар өчен рәхмәт белдерделәр.