2019 елның 20 августындагы 16/1 номерлы хезмәттәшлек турындагы килешү нигезендә «Татарстан Республикасы мәгарифен үстерү институты» өстәмә һөнәри белем бирү дәүләт мәгариф учреждениесенең мәктәпкәчә һәм башлангыч гомуми белем бирү кафедрасы «Русское слово – учебник» (Мәскәү шәһәре) нәшрияты белән берлектә 2021 елның 25 ноябрендә «Мозаичный парк» программасының тәрбияви потенциалы» төбәкара семинар уздыра.
Дискуссия мәйданчыгы эшендә Ульяновск өлкәсенең мәктәпкәчә мәгариф оешмаларының, Марий Эл, Татарстан, Удмуртия, Чувашия республикаларының 500 педагогик хезмәткәре катнаша.
Семинарның максаты: мәктәпкәчә мәгариф оешмаларының педагогик хезмәткәрләренең һөнәри компетенцияләрен «Мозаичный парк» үрнәк төп белем бирү программасын гамәлгә ашыру өчен шартлар тудыруда арттыру.
Семинар кысаларында педагоглар мәктәпкәчә белем бирү системасында заманча педагогик корал буларак «Мозаичный парк» программ-методик комплексы; балаларның һәм өлкәннәрнең аралашу чарасы буларак предметлы-киңлек үсеше мохитен оештыру; мәктәпкәчә яшьтәге балалар белән белем бирү эшчәнлеген «Мозаика» программасында планлаштыруга заманча алымнар белән танышачак.
Төбәкара семинар онлайн режимда 10.00 сәгатьтә (Мәскәү) узачак.
Төбәкара семинарның модераторлары булып:
- Рәсилә Илдус кызы Латыйпова, Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы доценты, педагогика фәннәре кандидаты;
- Нина Николаевна Плаксина, «Русское слово – учебник» нәшриятының мәктәпкәчә белем бирү бюджет оешмалары белән эшләү юнәлеше җитәкчесе (Мәскәү шәһәре) чыгыш ясаячак.
Төбәкара семинарны оештыручы: Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы.