Татарстан Республикасы Мәгариф һәм фән министрлыгының 25.12.2020 ел, № под-1406/20 боерыгы белән расланган дәүләт биремен гамәлгә кую кысаларында «Татарстан Республикасы Мәгарифне үстерү институты» өстәмә белем бирү дәүләт автоном мәгариф учреждениесе 2021 елның 3 ноябрендә «Балаларга өстәмә белем бирү системасында иҗат һәм иҗтимагый берләшмә буларак фольклор коллектив» (алга таба - укулар) II педагогик укуларын үткәрү турында хәбәр итә.
Педагогик укулар - методик һәм практик юнәлешле чара.
Укуларның төп максаты - этномәдәни музыкаль белем бирү һәм тәрбия өлкәсендә алдынгы педагогик тәҗрибәне тарату.
Укуларның Бурычлары:
- конкрет башкарма һәм иҗади коллективларның укыту-тәрбия эшчәнлегендә традицион мәдәният формаларын торгызу буенча методик рекомендацияләр тәкъдим итү;
- традицион мәдәният принципларына нигезләнгән белем бирү программаларын һәм мәдәни-белем бирү проектларын гамәлгә ашыру буенча эш нәтиҗәләрен тәкъдир итү;
- халык мәдәнияте кыйммәтләрен трансляцияләүгә юнәлдерелгән педагогик берләшмәдә профессиональ элемтәләр урнаштыру.
Укуларны Оештыручылар:
- Татарстан Республикасы Мәгарифне үстерү институты;
- «Н.Г. Җиһанов исемендәге Казан дәүләт консерваториясе»;
- "Казан дәүләт мәдәният институты»;
- Казан шәһәре муниципаль берәмлеге Башкарма комитетының мәгариф идарәсе;
- Казан шәһәре Киров районы 24 нче балалар музыка мәктәбе;
- "Россия фольклор берлеге" Бөтенроссия иҗтимагый оешмасының Татарстан төбәк бүлекчәсе;
- Казан шәһәре Башкарма комитеты мәгариф идарәсе каршындагы фольклор ансамбльләр һәм халык җыры ансамбльләре җитәкчеләренең шәһәр методик берләшмәсе.
Укуларда катнашу өчен фольклор ансамбльләр һәм халык җыры ансамбльләре җитәкчеләре, музыка укытучылары, музыка җитәкчеләре, балалар музыка мәктәпләре, сәнгать мәктәпләре, күппрофильле үзәкләрнең өстәмә белем бирү педагоглары, шулай ук мәдәният һәм мәдәни-ял итү өлкәсе учреждениеләре белгечләре чакырыла.
Укуларда катнашкан барлык педагоглар да катнашучының электрон сертификатларын алачак.
Уздыру форматы һәм вакыты: Zoom платформасында онлайн-конференция 10.00 сәгатьтә.
Катнашу формасы: доклад; видео-доклад; публикацияләр, укыту-методик, күргәзмә әсбаплар, хрестоматияләр һәм башка методик продуктлар, халык музыка мәдәнияте буенча мультимедиа проектлары презентациясе; иҗат коллективының эш тәҗрибәсен тәкъдир итү һәм башка формалар.
Чараның кураторы-Кондратьева Наталья Борисовна, «ТР Мәгарифне үстерү институты» өстәмә һөнәри белем бирү дәүләт автоном мәгариф учреждениесенең тәрбия һәм профилактикалау лабораториясенең өлкән фәнни хезмәткәре.