2019 елның 18 гыйнварында ОРКСЭ уку курсын һәм ОДНК НР предмет өлкәсен гамәлгә ашырган педагогика хезмәткәрләренең, муниципаль берәмлекләр методистларының БГББ ФДББС таләпләрен гамәлгә ашыруга нәтиҗәле якын килүләр: ОРКСЭ һәм ОДНКНР предметларын укыту кысаларында тәҗрибә, проблемалар һәм перспективалар” дигән темага төбәкара семинары үтте.
Семинарны оештыручылар: Татарстан Республикасы Мәгарифне үстерү институты, Татарстан Республикасы Түбән Кама муниципаль районы Башкарма комитетының Мәгариф идарәсе.
Семинар эше дүрт база мәйданчыгында – Татарстан Республикасының Түбән Кама муниципаль районының 36 нчы гомумбелем урта мәктәбе, 26 нчы гомумбелем урта мәктәбе, 28 нче гомумбелем урта мәктәбе, Бакый Урманче исемендәге 2 нче гимназия базаларында оештырылды.
Семинар эшендә ОРКСЭ уку курсын һәм ОДНК НР предмет өлкәсен гамәлгә ашырган 80 педагогика хезмәткәре катнашты.
Семинарда түбәндәге мәсьәләләр каралды:
- - “Дини мәдәниятләр һәм дөньяви этика нигезләре” уку курсын һәм “Россия халыкларының рухи-әхлакый мәдәнияте нигезләре” предмет өлкәсен укытуның норматив-хокукый нигезләре;
- - “Дини мәдәниятләр һәм дөньяви этика нигезләре” уку курсын һәм “Россия халыкларының рухи-әхлакый мәдәнияте нигезләре” предмет өлкәсен укыту кысаларында уку эшчәнлегенең төп формалары һәм төрләре;
- - ОРКСЭ уку курсы һәм ОДНК НР предмет өлкәсе кысаларында планлаштырылган укыту нәтиҗәләренә ирешүнең бәяләмәсе.
Төп өлештәге секциядә педагогика хезмәткәрләре үз тәҗрибәләрен чыгышлар, ачык дәресләр, дәрестән тыш чаралар һәм мастер-класслар үткәрү формасында тәкъдим иттеләр.
Пленар өлештә ТР Мәгарифне үстерү институты доценты Җамалетдинова З.И. тарафыннан ОРКСЭ уку курсын һәм ОДНК НР предмет өлкәсен укытуга норматив-хокукый ярдәм буенча методик эш башкарылды, Казан шәһәре Идел буе районының 6 нчы гимназиясе башлангыч сыйныфлар укытучылары Любицкая Р.Ф. һәм Рудзей Л.В. тарафыннан “ОРКСЭ дәресләрендә эшнең интерактив формалары” темасына мастер-класс тәкъдим ителде.
