2020 елның 1 сентябреннән 2021 елның 11 июненә кадәр үткәрелгән, «Иң яхшы цифрлы мәктәп – 2021» республика конкурсына йомгак ясалды. Конкурс Татарстан Республикасы Мәгариф һәм фән министрлыгы, «Ачык Мәктәп» компаниясе белән берлектә «Ачык мәктәп 2035» Республика белем бирү проектын тормышка ашыру кысаларында оештырылды һәм педагогик мохиттә заманча цифрлы технологияләрне алга этәрүгә һәм шул өлкәдә Татарстан Республикасы гомуми белем бирү оешмалары педагогларының һөнәри осталыгын арттыруга юнәлдерелгән иде.
Конкурста республиканың «Ачык мәктәп» белем бирү платформасына тоташтырылган гомуми белем бирү оешмалары катнашты.
Мәктәпләр түбәндәге критерийлар буенча бәяләнде:
- педагоглар тарафыннан уку процессын оештырганда «Ачык мәктәп " платформасы ресурсларын куллану активлыгы;
- педагогларның, шул исәптән спикерлар сыйфатында, «Ачык мәктәп» компаниясенең методик хезмәте һәм ресурс үзәге оештырган чараларда катнашуы;
- заманча цифрлы технологияләрне куллану мәсьәләләре буенча педагогларның педагогик тәҗрибәсен тарату (публикацияләр) ;
- "Ачык мәктәп»проекты тьюторларын әзерләүнең сертификация программасын узган педагоглар өчен укыту чаралары, семинарлар үткәрү;
- мәктәп базасында проект темасы буенча чаралар үткәрү (ачык дәресләр, семинарлар, ата-аналар җыелышлары, флешмоблар, педагоглар һәм укучылар өчен конкурслар һ.б.).
Конкурс нәтиҗәләре буенча Татарстан Республикасының барлык критерийлары буенча иң күп балл җыйган 5 гомуми белем бирү оешмасы һәм конкурс критерийлары буенча югары активлык һәм уңай нәтиҗәлелек динамикасы белән аерылып торган 4 гомуми белем бирү оешмасы билгеләнде.
Конкурста катнашучыларның рейтинг таблицасы «Ачык мәктәп» мәгариф платформасы сайтында методик бүлек конкурслары (сылтама) битендә урнаштырылган: https://2035school.ru/edu/contest/-.
Бүләкләү тантанасын үткәрү вакыты һәм урыны турында өстәмә хәбәр ителәчәк.
