2021 елның 28 июнендә Татарстан Республикасы Мәгарифне үстерү институтының педагогика, психология һәм андрагогика кафедрасы, гамәлгә куючының дәүләт биреме кысаларында “Мәгариф субъектларын психологик яктан озата баруның актуаль бурычлары: технологияләр һәм ысуллар, эш тәҗрибәсе” форумы уздырды. Форумда мәгариф оешмаларының педагог-психологлары, педагог-психологларның район методик берләшмәләре җитәкчеләре - барлыгы 51 кеше катнашты.
Форум программасына шулай ук мәгариф субъектларын психологик озата бару буенча актуаль темаларга мастер-класслар да кертелгән иде
- «Укытучы-укучы» үзара хезмәттәшлеге системасында уку конфликтларын нәтиҗәле хәл итү методлары һәм алымнары, Шәрифҗанова Кадрия Шәүкатовна, педагогика, психология һәм андрагогика кафедрасы мөдире, педагогика фәннәре кандидаты;
- «Белем бирүдә һәм үсештә шәхесне клиник-психологик озата бару», Кедрова Ирина Анатольевна, педагогика, психология һәм андрагогика кафедрасы доценты, психология фәннәре кандидаты;
- "Мәгариф оешмасы шартларында педагогларга психологик консультация бирү үзенчәлекләре", Лушпаева Ирина Игоревна, педагогика, психология һәм андрагогика кафедрасы доценты, психология фәннәре кандидаты;
- "Балалар-яшүсмерләр арасында суицидны профилактикалау нигезләре (эш тәҗрибәсеннән)," Нәфиева Зарина Фәрид кызы, "Росток" үзәгенең ГАОУ педагог-психологы;
- "Буллинг - XXI гасыр проблемасы", Бадалова Эсмира Юрьевна, педагогика, психология һәм андрагогика кафедрасы өлкән укытучысы.
Психологик ярдәм күрсәтү буенча тәкъдим ителгән инновацион тәҗрибә белгечләргә укучылар һәм ата-аналар белән уртак эшчәнлекне нәтиҗәле оештырырга, психопрофилактика һәм коррекция-үсеш юнәлешләрен камилләштерергә, үткәрелә торган агарту эшенең нәтиҗәлелеген арттырырга ярдәм итәчәк.
