2021 елның 20 маенда Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы муниципаль белем бирү системаларының юл карталарын гамәлгә ашыруны методик тәэмин итү кысаларында «Белем бирү сыйфатын бәяләүдә заманча алымнар: методик ярдәм күрсәтү, педагогик технологияләр, мәктәпкәчә белем бирү эшчәнлеген оештыру һәм бәяләү» темасына онлайн-форматта семинар үткәрде.
Чараның модераторы - Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы доценты, педагогика фәннәре кандидаты Рәсилә Илдус кызы Латыйпова.
Семинар эшендә катнаштылар:
- Хәйруллина Роксана Рамил кызы, Казан шәһәре Идел буе районы 130 нчы балалар бакчасы мөдире
- Зарипова Татьяна Геннадьевна, Казан шәһәре Идел буе районы 130 нчы балалар бакчасы өлкән тәрбиячесе
- Савельева Динара Рөстәм кызы, Казан шәһәре Идел буе районы 130нчы балалар бакчасы педагог-психологы
Семинар программасы:
- Хәзерге шартларда мәктәпкәчә белем бирү оешмасы белән идарә итү-белем һәм тәрбия бирүнең нәтиҗәлелеге факторы.
- «Россия Федерациясендә мәгариф турында» 2012 елның 29 декабрендәге 273-ФЗ номерлы Федераль закон нигезләмәләре нигезендә белем бирү сыйфаты төшенчәсе.
- Мәктәпкәчә белем бирүнең сыйфатын бәяләүнең эчке системасын төзү.
- Сыйфатны бәяләүгә заманча караш. Сыйфатны бәяләү нәтиҗәләрен аны күтәрү инструменты буларак куллану, балалар белән нәтиҗәле эш системасын булдыру, балалар бакчасы эшенең нәтиҗәлелеген яхшырту.
Семинар барышында чыгыш ясаучылар мәктәпкәчә белем бирүнең сыйфатын аңлауга карата гомуми алымнар билгеләделәр.
Чараның проблемасы киң фикерләр тапты, нәтиҗәләр ясап, катнашучылар чараның нәтиҗәлелеген һәм практик юнәлешен югары бәяләделәр һәм чараны оештыручыларга һәм модераторга зур рәхмәт белдерделәр.
