19 мартта "38 нче урта гомуми белем бирү мәктәбе" базасында Яр Чаллы шәһәрендә Татарстан Республикасы Мәгарифне үстерү институтының һөнәри һәм шәхси компетенцияләрне үстерү бүлеге хезмәткәрләре «Укытучының һөнәри һәм шәхси компетенцияләрен үстерүнең заманча тенденцияләре» дип исемләнгән (ассессмент-үзәк технологияләрен кулланып) семинар-практикум үткәрделәр.
Әлеге чара тыңлаучыларның һөнәри һәм шәхси компетенцияләрен үстерүнең актуаль баскычларын ачыклау максатыннан, алар алга таба үзләре өчен камилләштерүче чараларны сайлап ала алсын өчен гамәлгә ашырыла. Семинар-практикумның актив формасы әлеге максатка ирешергә генә түгел, бәлки директорның Яр Чаллыдагы тәрбия эше буенча урынбасарлары командасы оешуга ярдәм итте. 2021 ел дәвамында мондый чарага шәһәр мәгариф хезмәткәрләренең күпчелеген җәлеп итү планлаштырыла.
