2021 нче елның 19 нчы мартында дәүләт биремен тормышка ашыру кысаларында Татарстан Республикасы Мәгарифне үстерү институты, Түбән Кама муниципаль районы Башкарма комитетының мәгариф идарәсе белән берлектә, гомуми белем бирү оешмаларының педагогик һәм җитәкче хезмәткәрләре өчен «XXI гасыр мәгарифенең үсеш тенденцияләре: киләчәк күнекмәләрен формалаштыру мөмкинлекләре» дигән II Республика фәнни-гамәли конференциясе үткәрде. Конференция эшендә Татарстан Республикасының 24 муниципаль районыннан 400дән артык педагог катнашты.
Конференциянең пленар утырышында фәнни һәм инновацион эшчәнлек буенча проректор Т.В. Яковенко һәм Татарстан Республикасы Мәгарифне үстерү институты хезмәткәрләре чыгыш ясадылар.
Конференциядә катнашучылар мәгариф үсешенең төп мәсьәләләре турында фикер алыштылар, Түбән Кама шәһәренең белем бирү оешмаларының дүрт дискуссия мәйданчыгында тәҗрибә уртаклаштылар.
Конференция кысаларында хәзерге заман мәгарифенең актуаль проблемалары буенча ачык дәресләр, мастер-класслар һәм түгәрәк өстәлләр узды. Конференциядә катнашучылар мәйданчыкларда уңайлы форматны һәм иҗади атмосфераны билгеләп үттеләр. Үткәрелгән чаралар конференциядә катнашучылар һәм оештыручылар тарафыннан югары бәяләнде.
