20 февраль, 2021 - 11:37
19 февраль көнне Мамадыш шәһәрендә туган тел (татар теле) һәм әдәбият укытучыларының «Ел укытучысы – 2021» Бөтенроссия конкурсының зона туры узды.
5 укытучы – Татарстан Республикасының Мамадыш, Балык Бистәсе, Саба, Алабуга һәм Питрәч муниципаль районнары муниципаль этапларында җиңүчеләр – үзләренең дәресләрен һәм мастер-классларын күрсәттеләр. Жюри составында мәктәпкәчә һәм башлангыч гомуми белем бирү кафедрасы доценты Җамалетдинова Зөлфирә Исхак кызы һәм татар теле һәм әдәбияты кафедрасы доценты Фәттахова Рузилә Фирдәвес кызы да бар иде.
