1 февраль, 2021 - 17:17
Конференциянең максаты: табигый-фәнни белем бирүнең сыйфатын һәм абруен күтәрү, фәнни эшчәнлек өлкәсендә компетенцияләр формалаштыру, педагогик хезмәткәрләрнең һәм проектлау, планлаштыру һәм фәнни-тикшеренү эшчәнлеген гамәлгә ашыру өлкәсендә белем алучыларның һөнәри үсешен стимуллаштыру.
Конференциянең бурычлары:
- иҗади актив педагогларны һәм укучыларны, укучыларның перспективалы инновацион белем бирү проектларын һәм инициативаларын ачыклау һәм аларга ярдәм итү;
- шәхси һәм иҗади үзреализациягә юнәлдерелгән нәтиҗәле эшчәнлекне стимуллаштыру;
- белем бирүнең заманча сыйфатына ирешү;
- конференциядә катнашучыларның мәгариф өлкәсендә фәннең иң яңа казанышлары турында хәбәрдарлыгын арттыру;
- педагогларның инновацион эшчәнлеге тәҗрибәсен ачыклау, гомумиләштерү һәм трансляцияләү;
- фәнни-тикшеренү эшчәнлеге белән кызыксынучы талантлы яшь тикшеренүчеләргә ярдәм итү;
- укучыларда тикшеренү эшчәнлегенә тотрыклы кызыксыну уяту һәм аны оештыру күнекмәләрен үстерү;
- укучыларны югары уку йортларында фәнни-тикшеренү эшчәнлеге белән шөгыльләнүгә әзерләү.
Конференциядә катнашуга төп һәм өстәмә белем бирүнең педагогик хезмәткәрләре, югары уку йортлары галимнәре, аспирантлар, шулай ук белем бирү оешмаларының 2-11 сыйныф укучылары, өстәмә белем бирү үзәкләрендә тәрбияләнүчеләр чакырыла.
Үткәрү формасы: көндезге-читтән торып.
Конференция сайтына сылтама: http://butlerovconference.tilda.ws
