2020 елның 3 ноябрендә Татарстан Республикасы Мәгарифне үстерү институты «Мәгарифне үстерү» Россия Федерациясе дәүләт программасының мәктәпләрдә белем бирүнең сыйфатын күтәрүгә юнәлдерелгән чараларын гамәлгә ашыру кысаларында белем бирү нәтиҗәләре түбән булган һәм уңайсыз шартларда эшләүче мәктәпләрдә белем бирүнең сыйфатын күтәрүгә юнәлдерелгән «Белем алучыларның белем алу нәтиҗәләрен арттыру ресурсы буларак педагогларны һөнәри үстерүнең эчке системасы» семинар-практикасын уздырды. Семинарда Казан шәһәре Авиатөзелеш районы 119 нчы урта гомуми белем бирү мәктәбенең 24 педагогик һәм җитәкче хезмәткәре катнашты. Чараны оештыручы - мәгариф идарәсенең теория һәм практика кафедрасы мөдире, педагогика фәннәре кандидаты, доцент Идрисов Ирек Рәхимҗан улы.
Чара барышында түбәндәге мәсьәләләр каралды:
- Заманча таләпләр контекстында методик эш белән идарә итү: методик эшне оештыру принципларын гамәлгә ашыруның максаты һәм бурычлары.
- Методик эш оештыруның хәзерге заман формалары.
- Методик эшне бәяләүнең эчке системасы. Аудит төшенчәсе, аның максаты һәм бурычлары.
- Педагогик кадрларның квалификация күтәрүгә ихтыяҗын билгеләү. Бәяләү нәтиҗәләренә анализ.
- Методик хезмәтнең нәтиҗәлелеген арттыру буенча тәкъдимнәр әзерләү.
