2020 елның 13 маенда уңайсыз социаль шартларда эшләүче мәктәпләрдә белем бирү сыйфатын күтәрүгә юнәлдерелгән чараларны гамәлгә ашыру һәм 2020 елда «Мәгарифне үстерү» Россия Федерациясе дәүләт программасы кысаларында Татарстан Республикасы Лаеш муниципаль районы «Лаеш шәһәренең 1 нче гимназиясе» муниципаль бюджет мәгариф учреждениесе базасында «Мәктәп эшчәнлеге уңайсыз социаль шартларда алып барылганда тәрбия эшчәнлеген проектлау» темасы буенча онлайн режимында семинар узды.
Чарада Лаеш шәһәренең 1 нче гимназиясе һәм Лаеш районының Урта Девятово урта гомуми белем бирү мәктәбеннән 25 педагогик хезмәткәре катнашты. Программаның кураторы — Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы доценты Җамалетдинова З.И.
Семинарның төп темасы буенча тәрбия, өстәмә белем бирү һәм социаль тәртипне профилактикалау лабораториясе фәнни хезмәткәре Башлай Эльвира Хәмзә кызы чыгыш ясады. Ул әхлакый һәм дөньяви карашлы кризис кичерүче, төрле Интернет-куркынычларга дучар булган заман балаларының төп проблемаларын ачты.
Э.Х. Башлай тәкъдим иткән мәгълүматның аеруча әһәмиятлелеге сыйныф җитәкчеләренең психологик-педагогик компетентлыгын арттырудан тора, алар укучыларда дөрес тормыш перспективалары һәм кыйммәтләре формалаштыруга йогынты ясый белгән барлык балаларга педагогик яктан игътибарлы булырга тиеш.
