2020 елның 2 мартыннан 18 апреленә кадәр «Татарстан Республикасы Мәгарифне үстерү институты» өстәмә һөнәри белем бирү учреждениесенең Педагогика, психология һәм андрагогика кафедрасы тарафыннан «Федераль дәүләт белем бирү стандартларын гамәлгә ашыру шартларында сыйныфның тәрбия эшчәнлеге системасын психологик-педагогик тәэмин итү» дип аталган өстәмә һөнәри белем бирү программасы буенча курслар оештырылды һәм үткәрелде. Татарстан Республикасының 562 педагогик хезмәткәре укытылды. Курсның күләме - 36 сәгать (дистанцион модуль).
Уку барышында тыңлаучылар психологик-педагогик ярдәм күрсәтүнең максаты һәм бурычлары белән таныштылар, алар федераль дәүләт белем бирү стандартларын гамәлгә кертү шартларында мәктәптә укыту-тәрбия эше нәтиҗәләренә дәүләт заказы белән бәйле. Психологик-педагогик ярдәм күрсәтү процессында шәхеснең ихтыяҗлары психологик-педагогик диагностика методлары ярдәмендә өйрәнелә.
Укыту барышында тыңлаучыларда тәрбия эше системасын психологик-педагогик тәэмин итү өчен кирәк булган һөнәри компетенцияләр камилләште.
Квалификация күтәрүгә йомгак ясаганда тыңлаучылар кафедрадагы профессор-укытучылар составы профессиональлегенең югары дәрәҗәсен, укыту эчтәлегенең гамәли юнәлешле булуын, яхшы оештырылган уку процессын билгеләп үттеләр.
