2018-2022 елларга коррупциягә каршы сәясәтне гамәлгә ашыру буенча Татарстан Республикасы Мәгариф һәм фән министрлыгының 2020 елның 24 августында кабул ителгән под-1242/18 номерлы боерыгы белән расланган программасының 5.13 пункты нигезендә «Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесенең Мәгариф белән идарә итү теориясе һәм практикасы кафедрасы тарафыннан коррупцион хокук бозуларны профилактикалау өчен җаваплы вазыйфаи затларга укулар үткәрелде.
Укыту «Белем бирү оешмаларында коррупциягә каршы профилактика һәм аңа каршы тору» (күләме - 16 сәгать) дигән өстәмә һөнәри белем бирү программасы буенча дистанцион белем бирү технологияләрен кулланып уздырылды. Укуларны 150 кеше үтте.
Структурлаштырылган текст материаллары, видеолекцияләр, презентацияләр, норматив белешмә базасы һәм үз-үзеңне тикшерү өчен тест ярдәмендә тыңлаучылар үзләренең укыту процессы белән мөстәкыйль идарә итү һәм РФ коррупциягә каршы законнары мәсьәләләре буенча теоретик белемнәр алу, белем бирү оешмасының коррупциягә каршы программасын тормышка ашыру һәм тәэмин итү өлкәсендә һөнәри компетенцияләрен камилләштерү мөмкинлегенә ия булдылар.
Укулар кысаларында тыңлаучылар алдында чыгыш ясадылар:
Рәхимов Салават Фоат улы, Татарстан Республикасы Президенты Идарәсе коррупциягә каршы тикшерүләр бүлегенең баш киңәшчесе, ю.ф.к.;
Хәйруллин Айрат Илдар улы, Татарстан Республикасы Президенты Идарәсе коррупциягә каршы тикшерүләр бүлегенең баш киңәшчесе;
Шрша Равия Бадретдинова, Татарстан Республикасы Президенты Идарәсе коррупциягә каршы тикшерү бүлегенең баш киңәшчесе.
