2020 елның 25 мартында Татарстан Республикасы Мәгарифне үстерү институты Казан Суворов хәрби училищесы белән берлектә «ФГОСны гамәлгә ашыру шартларында гомуми белем бирү оешмаларында заманча белем бирү технологияләрен гамәлгә ашыру теориясе һәм практикасы» темасы буенча төбәкара фәнни-гамәли конференция уздырды. Укучыларны укытуның һәм тәрбияләүнең иминлеген тәэмин итү чаралары көчәйтелү сәбәпле, конференция дистанцион белем бирү технологияләрен кулланып (катнашучылар видеоматериалларын тапшырдылар) үткәрелде.
Конференциядә катнашучылар:
- кадет мәктәпләре, Россия Федерациясе Оборона министрлыгының югары уку йортына кадәрге белем бирү оешмалары укытучылары;
- методик хезмәт күрсәтү, мәдәният һәм балаларга өстәмә белем бирү учреждениеләре белгечләре;
- Татарстан Республикасы муниципаль мәгариф белән идарә итү органнары җитәкчеләре һәм белгечләре.
Конференциядә катнашучыларның гомуми саны - 167 педагогик хезмәткәр, шул исәптән Россия Федерациясе Оборона министрлыгының 7 югары уку йортына кадәр белем бирү оешмаларыннан («Казан Суворов хәрби училищесы», «Оренбург президент кадет училищесы», «Екатеринбург суворов хәрби училищесы», «Ульяновск дәүләт суворов хәрби училищесы», «Аксайский Данила Ефремов казак кадет корпусы», «Мәскәү суворов хәрби училищесы», «Россия Федерациясе Оборона министрлыгының Нахимов хәрби-диңгез училищесы», Мурманск шәһәре).
Конференциядә каралган мәсьәләләр:
- Белем бирү сыйфатын арттыру ысулы буларак суворовчыларны укытуда, тәрбияләүдә һәм үстерүдә компетентлы һәм системалы-эшлекле алымнарны гамәлгә ашыру.
- Федераль дәүләт белем бирү стандартларын исәпкә алып филология дисциплиналарын укыту нигезе буларак метапредмет компетенцияләрне формалаштыру.
- Математик һәм табигый-фәнни дисциплиналарны заманча укыту: һөнәри осталык һәм яңа технологияләр.
- Заманча педагогик технологияләрне дәрестә һәм сыйныфтан тыш эшчәнлектә файдалануның теориясе һәм практикасы.
- Бербөтен буларак белем һәм тәрбия бирү: тәҗрибә, проблемалар, үсеш перспективалары.
«Родионов укулары» конференциясе эше йомгаклары буенча конференциядә катнашучыларның һөнәри кызыксынуларын һәм эшчәнлеген мәгариф һәм тәрбиянең актуаль мәсьәләләрен хәл итүгә юнәлдерелгән мәкаләләрен үз эченә алган материаллар җыентыгы әзерләнде.
Конференция материаллары:
- Конференция программасы
- Чыгышлар:
- Диләрә Мансуровна Шакирова, ТР Мәгарифе үстерү институты Мәгарифне үстерү стратегияләрен гамәлгә ашыру үзәгенең алдынгы фәнни хезмәткәре, химия фәннәре кандидаты, ТР Фәннәр академиясенең «Гамәли семиотика» фәнни-тикшеренү институтының интеллектуаль потенциал һәм сәләтлелек лабораториясе һәм СӘЛӘТ берләшмәсе мөдире,
- Светлана Николаевна Корнева, ТР Мәгарифне үстерү институтының Мәгарифне үстерү стратегияләрен гамәлгә ашыру үзәге хезмәткәре
- Ирина Игоревна Лушпаева, ТР Мәгарифне үстерү институтының Ппедагогика, психология һәм андрагогика кафедрасы доценты, психология фәннәре кандидаты
Хәзерге һәм киләчәк заман модельләре һәм технологияләре
